«استانا سۋ ارناسى» مەملەكەتتىك كوممۋنالدىق كاسىپورنى 2012-2013 جىلدارعا ارنالعان جىلىتۋ ماۋسىمىندا سۋمەن قامتاماسىز ەتۋ جانە كارىزدەندىرۋگە دايىندىق جۇمىستارىن اياقتادى.
استانانىڭ سۋ قويماسىندا جالپى كولەمى 248,9 ملن شاقىرىم تەكشە مەتردەي سۋ قورى بار. سۋمەن 192 607 جەكە تۇلعا, 6 177 زاڭدى تۇلعا, ونىڭ ىشىندە 91 ءبىلىم بەرۋ نىسانى, 66 بالالار باقشاسى, 50 دەنساۋلىق ساقتاۋ ورنى قامتاماسىز ەتىلەدى. قازىرگى تاڭدا 115 801 پاتەردە 294 166 دانا سۋ تۇتىنىمىن ەسەپتەيتىن جەكە قۇرىلعى ورناتىلعان. بۇل سۋدى ۇنەمدى پايدالانۋ مەن سارالانعان تاريفتەر بويىنشا قاراجات تولەۋگە بارىنشا ىقپال ەتەدى. سونداي-اق, بۇعان دەيىن سۋ قۇبىرلارى تازارتىلىپ, 14,7 شاقىرىم قۇبىر جەلىلەرى اۋىستىرىلدى. سۋ قۇبىرلارىنىڭ 121 مەترى جىلۋ ساقتاعىش ورامالدارمەن قاپتالدى. ءبىر سوزبەن ايتقاندا, سۋ قۇبىرى جانە كارىزدىڭ بارلىق سىرتقى جەلىلەرى قىسقى ماۋسىمعا ساقاداي ساي.
