ورتالىق كوممۋنيكاتسيالار قىزمەتى الاڭىندا وتكەن بريفينگ بارىسىندا سۋديالار وداعىنىڭ توراعاسى سەرىك بايباتىروۆ قازاقستان سوتتارىنىڭ VI سەزىنىڭ قورىتىندىلارى تۋرالى مالىمدەدى.
ونىڭ ايتۋىنشا, الداعى ۋاقىتتا سوت باقىلاۋى كۇشەيتىلمەك. ويتكەنى, باقىلاۋدىڭ بولماۋىنان ىستەردىڭ كوبى كەمشىلىكتەرمەن كەلىپ تۇسەدى. بۇعان جول بەرمەس ءۇشىن كەلەشەكتە سوت باقىلاۋىن تەرگەۋ سۋدياسى جۇرگىزەتىن بولادى.
بۇگىندە ەلiمiزدەگi سۋديالار اۋىر جۇكتەمەمەن جۇمىس ىستەيدى. سەرىك بايباتىروۆ ءوز سوزىندە سۋديالاردىڭ شتاتتىق سانىن كوبەيتۋ تۋرالى ايتتى. «حالىق كوپ شوعىرلانعان استانا مەن الماتى قالالارىندا, وڭتۇستiك قازاقستان وبلىسىنداعى سوتتاردا قارالاتىن iستەر وتە كوپ. ءاربiر سۋديا ايىنا كەمiندە 100-150-دەي iس قارايدى. ال جۇمىس جۇكتەمەسi ۇلكەن كەزدە iستiڭ ءادiل قارالۋى دا قيىنداي تۇسەدi. وسىدان ءۇش جارىم جىل بۇرىن رەسپۋبليكادا قىزمەتكەرلەردi قىسقارتۋ كەزiندە بiزدiڭ سالادا 400-گە جۋىق سۋديا قىسقارتىلعان. بۇگiنگi كۇنi مەملەكەت باسشىسى بۇل ماسەلەنi شەشۋدiڭ جولىن ۇسىندى. وسى ماقساتتا 450 سۋديا, 450 سوت حاتشىسى, 60 سوت پريستاۆى iسكە قوسىلادى» دەيدى ول.
سوت شەشىمىنە قارسىلىق بىلدىرۋشىلەردىڭ ماسەلەسى دە كەڭىنەن قوزعالدى. سوڭعى كەزدەرى قازاقستاننىڭ كەيبىر قالالارىندا سوت شەشىمىنە نارازىلىق تانىتىپ, ورەسكەل ارەكەتتەرگە باراتىندار نەمەسە اشتىق جاريالايتىندار جيىلەپ كەتتى. سۋديالار وداعىنىڭ توراعاسى مۇنىڭ سوڭى جاقسىلىققا الىپ كەلمەيتىنىن ايتتى.
گۇلميرا ايماعانبەت