تالعات ابدۋللين, استانا قالاسى پروكۋراتۋراسىنىڭ باسقارما باستىعى: ازاماتتاردى سەبەپسىز قۋدالاۋعا جول جوق

– تالعات قۋاندىقۇلى, جاقىندا استانا قالاسى پروكۋراتۋراسىنىڭ  ال­قالى وتىرىسى ءوتتى. جيىندا قانداي ماسەلەلەر تال­قىلاندى؟
– قىلمىستىق پروتسەس­تە  ازاماتتاردىڭ كونستي­تۋتسيالىق قۇقىلارىنىڭ ساقتالۋى, استانا قالا­سىنىڭ تۇزەۋ مەكەمە­لەرى مەن «ەڭبەك» كاسىپورنى فيليالدارىنىڭ قىزمەتىندە ەڭبەك زاڭناماسىنىڭ ساق­تالۋى جانە سوتتالعانداردى جۇمىسقا ورنالاستىرۋ بويىنشا زاڭدىلىقتىڭ جاي-كۇيى قارالدى.

جالپى, جىل باسىنان بەرى قىلمىستىق قۋدالاۋ ورگاندارى 1005 ادامدى ۇستاعان.

پروكۋرورلار تەرگەۋشى­لەردىڭ 662 ادامعا قاتىستى قاماۋعا الۋ سانكتسياسىن بەرۋ تۋرالى ءوتىنىشىن قول­دادى. بۇلتارتپاۋ شارا­سىن قولدانۋعا نەگىز بول­ماعاندىقتان, 69 ادامعا قاتىستى ءوتىنىشتى قولداۋدان باس تارتتى.

– ىشكى ىستەر ورىندارىندا زاڭسىز قاماۋدا وتىرعان ازاماتتاردىڭ قۇقىن كىم قورعايدى؟
– ازاماتتاردى ىشكى ىستەر ورگاندارىنا زاڭسىز جەتكىزۋ, ولاردى قىزمەتتىك كابينەتتەردە جانە باسقا قىزمەتتىك ءۇي-جايلاردا ۇستاۋ, قاماۋدا ۇستاۋ مەرزىمىن نەگىزسىز ۇزارتۋ سەكىلدى ازاماتتاردىڭ كونستيتۋتسيالىق قۇقىلارىن بۇزۋ فاكتىلەرى كوپ كەزدەسەدى. جىل باسىنان بەرى پروكۋراتۋرا ورگاندارى استانا قالاسىنىڭ  ۋاقىتشا ۇستاۋ يزولياتورىنان  125 ادامدى بوساتتى, ال قىلمىستىق قۋدالاۋ ورگاندارىنىڭ قىزمەتتىك ءۇي-جايلارىنان 71 ادام بوساتىلدى.

ماسەلەن, قازان ايىندا سارىارقا اۋداندىق ىشكى ىستەر باسقارماسىن تەكسەرۋ كەزىندە ۋاقىتشا ۇستاۋ كامەراسىندا قايىرجانوۆ دەگەن ازاماتتى زاڭدا بەل­گىلەنگەن مەرزىمنەن ارتىق ۇستاپ وتىرعانى انىقتالدى. اتالعان دەرەك بويىنشا اۋداندىق ءىىب جەدەل كەزەكشىسى مەن كەزەكشى ءبولىم باستىعىنا قاتىستى تارتىپتىك ءىس قوزعادى.

– جاسىراتىنى جوق, كەيبىر ازاماتتاردىڭ قۇ­قىق­تىق ساۋاتى  ءتو­مەن. قىلمىستىق ءىس قوز­عاۋ بارىسىندا مۇن­داي ازاماتتاردىڭ كونستي­تۋتسيالىق قۇقى ءجيى بۇزى­لاتىن شىعار؟
– ارينە, قىلمىستىق ءىس قوزعاۋ ارقىلى قىل­مىستىق قۋدالاۋعا ۇشى­راعان ازاماتتاردىڭ كونس­تيتۋتسيالىق قۇقىلارى بۇزىلىپ جاتادى. اعىمداعى جىلدىڭ وتكەن ايلارىندا اقتايتىن نەگىزدەر بويىنشا 182 قىلمىستىق ءىس قىسقارتىلعان. ونىڭ باسىم بولىگى الماتى اۋداندىق ىشكى ىستەر باسقارماسىنا تيەسىلى. ماسەلەن, پروكۋراتۋرا ورگاندارى قىلمىستىق قۋدالاۋ ورگانىنىڭ قىلمىستىق ءىس قوزعاۋ تۋرالى 90 شەشىمىن زاڭسىز دەپ تانىپ, كۇشىن جويدى. اعىمداعى جىلى استانا قالاسىنىڭ پروكۋراتۋراسى بارلىعى 207 قىلمىستى انىقتاپ, ەسەپكە قويدى. پروكۋرورلىق ىقپال ەتۋ شارالارىمەن قىلمىستىق قۋدالاۋ ورگاندارىنىڭ 72 لاۋازىمدى تۇلعاسى ءتۇرلى تارتىپتىك جاۋاپكەرشىلىككە تارتىلدى.