ەلىمىز «دارىگەر» اتتى موبيلدىك قوسىمشانى ىسكە قوستى. وسى جوبانى جۇرتشىلىق اندرويدتىق تەلەفوندارعا «گۋگل پلەي» ارقىلى كوشىرىپ الىپ, كەز كەلگەن سىرقاتتىڭ انىقتاماسىن, العاشقى بەلگىلەرى مەن ەمدەۋ جولدارىن قازاق جانە ورىس تىلدەرىندە دارىگەردىڭ كومەگىنسىز-اق بىلە الادى.
قر دەنساۋلىق ساقتاۋ مينيسترلىگىنىڭ دەپارتامەنت ديرەكتورى بەيبىت ەسەنباەۆتىڭ ايتۋىنشا, بۇل – حالىققا قوسىمشا مەديتسينالىق اقپارات بەرەتىن كومەكشى قۇرىلعى. وندا قاي اۋرۋدى قالاي ەمدەۋگە بولاتىنى تۋرالى تولىققاندى مالىمەت ەنگىزىلگەن. سونىمەن قاتار موبيلدىك نۇسقانىڭ جادىندا ءتۇرلى كەسىلدىڭ الدىن الۋعا قاتىستى پايدالى كەڭەستەردى دە وقۋعا بولادى.
