«ءبىر جاعىنان, مونوپولياعا قارسى ۆەدومستۆونىڭ ءۇنسىز كەلىسۋىمەن ءوز قىزمەتكەرلەرىنە سىياقىلار مەن بونۋستار قوسىلىپ, نەسيە بويىنشا اقى تولەنىپتى. ەكىنشى جاعىنان, شىعىنداردى كوبەيتۋ ماقساتىندا قىمبات باعامەن جوندەۋ جۇرگىزۋ جانە جابدىقتار ساتىپ الۋ ءۇشىن قىزمەت كورسەتەتىن ارنايى كاسىپورىندار قۇرىلعان. قۇيتىرقى جولمەن تاپقان تابىس «قولما-قول اقشاعا اينالدىراتىن» كومپانيالاردىڭ كومەگىمەن شىعارىلىپ وتىرعان» دەپ مالىمدەدى باس پروكۋراتۋراداعى باسقوسۋدا ۆەدومستۆو باسشىسى.
باس پروكۋرور تۇرعىنداردى توناعان مونوپوليستەردىڭ زاڭسىز ارەكەتىنە قۇزىرلى قوس مينيسترلىكتىڭ (ۇلتتىق ەكونوميكا جانە ەنەرگەتيكا مينيسترلىگى) ءتيىستى باقىلاۋ جاساماعانىن اشىق ايتتى. بولەك بەكىتىلگەن تاريفتەر, ءوزارا جانە سالىق ورگاندارىمەن كەلىسىمنىڭ جوقتىعى قاراشانى توناۋعا مۇمكىندىك بەرگەن. «ەگەر ءۇش جىلدا ۋاكىلەتتى ورگاندار تۇتىنۋشىلارعا 3,7 ملرد تەڭگەگە شىعىننىڭ ورنىن تولتىرسا, ال پروكۋرورلار ءبىر عانا تەكسەرىستەن كەيىن 8 ەسەگە ارتىق زاڭ بۇزۋشىلىقتاردى انىقتادى. تەكسەرىس ناتيجەسىندە
15 لاۋازىمدى تۇلعا جازاعا تارتىلىپ, مونوپوليستەردەن 159 ملن تەڭگە ايىپپۇل ءوندىرىلدى. 10 قىلمىستىق ءىس قوزعالدى» دەگەن دەرەك كەلتىردى قايرات قوجامجاروۆ.
باس پروكۋروردىڭ ورىنباسارى اندرەي لۋكين «استاناەنەرگوتۇتىنۋ» جشس ەلەكتر قۋاتىن 11,8 تەڭگەگە ساتىپ الاتىنىن قاعازدا عانا كورسەتكەنىن اشكەرەلەدى. ارانىن اپانداي اشقان كومپانيا جىلۋدى بۇدان ارزانعا الىپ, استانالىقتارعا قىمباتقا ساتىپ كەلىپتى. ءسويتىپ ەلوردالىقتاردان 2,6 ملرد (!) تەڭگە ارتىق اقشا جيناپتى. «قاراعاندىجارىق», «جامبىل ەلەكتر جەلىسى», «تالدىقورعانجىلۋ», «كوكشەتاۋ», «قاپشاعايجىلۋ» كومپانيالارى ءدال وسىنداي ادىسپەن اڭقاۋ ەلدى الداعان كورىنەدى.
«قايتقان مالدا قايىر بار». جىلۋ مەن جارىقتىڭ باعاسىن ادەيى وسىرگەن مونوپوليستەر پروكۋرورلاردىڭ تەكسەرۋىنەن كەيىن 5 ملن تۇتىنۋشىعا 13 ملرد تەڭگەسىن قايتارىپ بەرۋگە ءماجبۇر بولعان. باس پروكۋرور قايرات قوجامجاروۆ قالعان قاراجاتتىڭ حالىققا كوپ ۇزاماي قايتارىلاتىنىن مالىمدەدى. ءبىر قۋانارلىعى, قۇزىرلى مەكەمەنىڭ باسشىسى ەلىمىزدەگى 14 وڭىردە ەلەكتر قۋاتى مەن جىلۋدىڭ قۇنى ارزانداعانىن ايتتى.
