ۇلتتىق ناقىشتا ۇيىمداستىرىلدى
بيىلعى ناۋرىز مەيرامىن استانا قالاسىنداعى ەنەرگەتيكا جانە بايلانىس كوللەدجى ايتارلىقتاي اتاپ ءوتتى. مەرەكە قارساڭىندا كوللەدج ستۋدەنتتەرى ۇلكەن جەتىستىككە جەتتى.
ەۋرازيا گۋمانيتارلىق ينستيتۋتى كوللەدجىنىڭ ۇيىمداستىرۋىمەن وتكىزىلگەن «عاسىرلاردىڭ قۇرداسى, ناۋرىز – ەلدىڭ جىل باسى» اتتى كاسىپتىك جانە تەحنيكالىق كوللەدجدەر اراسىندا وتكەن ەرتەگىلەر فەستيۆالىندە قازاق ءتىلى ءپانى وقىتۋشىسى گ.سايلاۋباەۆانىڭ باستاماسىمەن كوللەدج ستۋدەنتتەرى «ىنتىماق» ەرتەگىسىن كورسەتىپ, «ەڭ تارتىمدى ەرتەگى» نوميناتسياسىندا جەڭىمپاز اتاندى.
كوللەدجدە ۇيىمداستىرىلعان ناۋرىز مەرەكەسىنە بۇكىل ستۋدەنتتەر اتسالىستى. مەرەكەنى ۇيىمداستىرۋشى كوللەدج ادىسكەرى ج.ساۋلەنبەكوۆا «ارمىسىڭ, ءاز ناۋرىز!» تاقىرىبىندا ۇلتتىق داستۇرىمىزگە سايكەس كورىنىس جانە كونتسەرتتىك باعدارلاما دايىندادى. زال ۇلتتىق ناقىشتا بەزەندىرىلىپ, كورمە ۇيىمداستىرىلدى.
سونداي-اق, قازاقتىڭ ۇلتتىق ويىندارىنان دەنە تاربيەسى ءپانىنىڭ وقىتۋشىسى س.ورالوۆ جارىس وتكىزدى. قازاقشا كۇرەس, ارقان تارتۋ, اسىق ويىنى, قول كۇرەسى, كىر تاسىن كوتەرۋدەن سىنعا تۇسكەن جاستارعا سىيلىقتار بەرىلدى.
مەرەكە سوڭىندا ناۋرىز داستارقانى جايىلدى.
ءوز تىلشىمىزدەن