ۇستازعا قۇرمەت ۇزىلمەيدى
م.وتەمىسۇلى اتىنداعى وقۋشىلار سارايىندا استانا قالاسى ءبىلىم باسقارماسىنىڭ ۇيىمداستىرۋىمەن «جۇلدىزدى شاشۋ» اتتى فەستيۆال ءوتتى. ەلوردالىق ۇستازدارعا ارنالعان شاراعا ءبىلىم سالاسىنىڭ ۇزدىك قىزمەتكەرلەرى مەن مەكەمە باسشىلارى قاتىستى.
باسقوسۋدا باسقارما باستىعى ءاسيما بيمەندينا ءسوز الىپ, مۇعالىمدەردى جاڭا وقۋ جىلىمەن قۇتتىقتادى. ۇزاق جىلدار ەڭبەك ەتىپ, ەسىمدەرى «التىن قورعا» ەنگەن ۇستازدارعا ريزاشىلىعىن ءبىلدىردى. سونىمەن قاتار, ۇبت قورىتىندىسى بويىنشا وقۋشىلارى جوعارى بالل العان, عىلىمي جوبالارى ۇزدىك شىققان وقىتۋشىلارعا گۇل شوقتارىن ۇسىندى.
وسى شارا بارىسىندا بىرقاتار مۇعالىمدەر «قازاقستان رەسپۋبليكاسىنىڭ تاۋەلسىزدىگىنە – 20 جىل» مەدالىمەن, قر ءبىلىم جانە عىلىم مينيسترلىگىنىڭ قۇرمەت گراموتاسىمەن جانە العىس حاتپەن ماراپاتتالدى. ال, وتكەن وقۋ جىلىندا سپارتاكيادالار مەن «ديدارلى جاز» اتتى بالالاردىڭ جازعى دەمالىسىن جوعارى دەڭگەيدە ۇيىمداستىرعان №31, 32, 27, 40 ورتا مەكتەپتەر, پوليتەحنيكالىق, گۋمانيتارلىق جانە ساۋدا-ەكونوميكالىق كوللەدجدەرىنە اۋىسپالى كۋبوكتار مەن ديپلومدار تاپسىرىلدى.
سالتاناتتى كەش «سوزۆەزديە» بالدىق بي ءانسامبلىنىڭ, استانا قالاسى مەملەكەتتىك فيلارمونياسىنىڭ ونەرىمەن جالعاستى.
سايان ەسجان