ءماسليحات دەپۋتاتتارى كونستيتۋتسيا كۇنى قارساڭىندا ارنايى «دەپۋتات كۇنىن» وتكىزدى. اتا زاڭنىڭ قۇرمەتىنە قالاعا قاتىستى بىرنەشە ماڭىزدى ماسەلەلەر كوتەرىلىپ, تالقىعا سالىندى.
العاشقى بايانداماشى دەنساۋلىق ساقتاۋ باسقارماسىنىڭ باستىعى ايگۇل سەگىزباەۆا قر «2011-2015 جىلدارعا ارنالعان سالاماتتى قازاقستان» دامۋ باعدارلاماسى اياسىندا جاسالعان يگى قادامدار تۋرالى تالدامالى ساراپتاماسىن ۇسىندى. قالامىزداعى ەمدەۋ مەكەمەلەرىنىڭ جۇمىس بارىسى مەن قول جەتكىزگەن جەتىستىكتەرى جايلى تولىق اقپار بەرىلدى. وتكەن جىلدان قولعا الىنعان سكرينينگتىك تەكسەرۋلەر ناتيجەلەرى پايىزدىق باعاممەن العا تارتىلدى. تەكسەرۋ قورىتىندىسى بويىنشا كەيبىر بەلەڭ العان اۋرۋلاردىڭ الدىن الۋعا قول جەتكىزىلگەن. جاڭادان اشىلعان ەمدەۋ ورىندارىنا 670 ميلليون تەڭگەنىڭ ارناۋلى جابدىقتارى, 87 بىرلىك مەديتسينالىق تەحنيكا الىنعانى بايان ەتىلدى. كەلەر جىلى 350 ورىندىق كوپ سالالى بالالار ستاتسيونارى, 350 كەلۋشىگە ارنالعان امبۋلاتورلىق ەمحانالىق كەشەن اشىلاتىنى ايتىلدى. باسقارما باستىعىنىڭ سوزىنە سەنسەك, قازىرگى تاڭدا اۋرۋلار كورسەتكىشى وتكەن جىلمەن سالىستىرعاندا الدەقايدا ازايعان.
اقپاراتتىق تەحنولوگيالار ءبولىمىنىڭ مەڭگەرۋشىسى داۋلەت سادىقوۆتىڭ بايانداماسىنا حالىق تاڭداۋلىلارى تاراپىنان كوپتەگەن سىن ايتىلدى. مەڭگەرۋشىنىڭ كوزىنشە اشىلماي قالعان سايتتىڭ كەمشىلىكتەرى دە نازاردان تىس قالمادى. جالپى حالىقتىڭ اكىمشىلىك سايتىنا ەمىن-ەركىن قولجەتىمدىلىگى بۇگىنگى تاڭدا وزەكتى ەكەندىگى, ونى تۇزەۋ قاجەتتىلىگى مىندەتتەلدى.
شىنار ءابىلدا
