ەربولات دالەنوۆ, مەديتسينا عىلىمدارىنىڭ دوكتورى, پروفەسسور:
ءبىزدىڭ ءار اپتا, ءار كۇن, ءار ساعاتتا ايتاتىن اڭگىمەمىزدىڭ نەگىزگى جەلىسى دەنساۋلىق ساقتاۋ, حالىق اراسىندا اعارتۋ جۇمىستارىن جۇرگىزۋ جايىندا بولادى.
وسى اپتادا وزدەرىڭىزگە بەلگىلى مەديتسينا قىزمەتكەرلەرىنىڭ ءتول مەرەكەسىن تويلايمىز. مەديتسينا قىزمەتكەرلەرىنىڭ مەرەكەسىن جىلدا شاكىرتتەرىممەن بىرگە اتاپ وتەمىن.
تويدىڭ باسى باستالىپ تا ۇلگەردى. شاكىرتتەرىم كەلىپ قۇتتىقتاپ جاتىر.
سوڭعى ۋاقىتتا ءبىزدىڭ كافەدرا اۋرۋدىڭ الدىن الۋ جانە ادامنىڭ دەنساۋلىق دارەجەسىن انىقتاۋ تۋرالى كونتەكست دايىنداۋمەن مىقتاپ اينالىسىپ جاتىر.اۋرۋدى ەمدەگەننەن گورى ونىڭ الدىن العان ماڭىزدى. وسى ورايدا ءبىز ادام ومىرىنە قاتەرلى 11 جاعدايدى انىقتادىق. وسى 11 جاعدايدى بالا تۋىلعاننان باستاپ 100 جاسقا جەتكەنگە دەيىنگى ارالىققا كەزەڭ-كەزەڭىمەن ءبولىپ شىقتى.ەگەر وسى كونتەكستتە كورسەتىلگەن 11 جاعدايدىڭ الدىن الاتىن بولساق, حالىق دەنساۋلىعىن جاقسارتىپ, ءومىر ءسۇرۋ ۇزاقتىعىن ارتتىرۋعا قول جەتكىزەمىز.
