وڭىرلەردى دامىتۋ باعدارلاماسى اياسىندا بيىل ەلىمىزدە 103,8 مىڭ شارشى مەتر ءۇي سالىنادى دەپ كۇتىلۋدە. بۇل تۋرالى «سامۇرىق-قازىنا» جىلجىمايتىن مۇلىك» اق باسقارما توراعاسى باۋىرجان مامىتاليەۆ ءمالىم ەتتى.
«2016 جىلى وڭىرلەردى دامىتۋ باعدارلاماسى اياسىندا بارلىعى 103,8 مىڭ شارشى مەتر ءۇي سالىنادى دەپ كۇتىلىپ وتىر. سونىڭ 94,2 مىڭ شارشى مەترىن, ياعني, 1463 پاتەرىن ساتىپ الۋ قۇقىعىمەن 15 جىل مەرزىمگە جالعا بەرەمىز دەپ جوسپارلاپ وتىرمىز» دەدى «سامۇرىق-قازىنا» جىلجىمايتىن مۇلىك» اق باسقارما توراعاسى. استانا جانە الماتى قالالارىنداعى مۇنداي پاتەرلەردىڭ ارەندالىق قۇنى شارشى مەترى 1612 تەڭگەنى قۇرايدى. وسكەمەن جانە قاراعاندى قالالارىندا 1414 تەڭگە بولماق. بۇل باعا جالعا الۋ مەرزىمى بارىسىندا وزگەرمەيدى جانە تۇراقتى بولىپ تابىلادى. ەگەر ۇلتتىق ۆاليۋتا قۇنى وزگەرىسكە ۇشىراسا دا, ونىڭ دەڭگەيى سول قالپىندا قالادى.
جالپى «وڭىرلەردى دامىتۋ باعدارلاماسى» باستاۋ العالى بەرى قازاقستاننىڭ 10 وڭىرىندە 13 نىسان بويىنشا كەلىسىمشارت جاسالىپ, 150 مىڭ شارشى مەتر پاتەر سالىنىپتى. ولاردىڭ 142,5 مىڭ شارشى مەترى, ياعني, 2728 پاتەر ساتىپ الۋ قۇقىعىمەن جالعا بەرىلگەن.
بۇركىت نۇراسىل
