بيىلدان باستاپ استانادان ورال, سەۋل, تبيليسي جانە پاريجگە تىكەلەي اۋە بايلانىسى اشىلماق.
قازاقستان رەسپۋبليكاسى ينۆەستيتسيالار جانە دامۋ مينيسترلىگىنىڭ مالىمەتىنشە, جاڭا باعىتتار «نۇرلى جول» باعدارلاماسىنا سايكەس ەلىمىزدىڭ كولىك-لوگيستيكالىق جۇيەسىن جەتىلدىرۋ اۋقىمىندا قولعا الىنىپ وتىر. وسى نەگىزدە قازىردىڭ وزىندە ەكى باعىت ىسكە قوسىلدى. ءبىرىنشىسى – وتكەن جىلى 29 قازاندا «ەير استانا» اۋە كومپانياسى جۇزەگە اسىرعان استانا – ورال – استانا اۋە قاتىناسى بولسا, ەكىنشىسى – 29 ناۋرىزدا «ەير استانا» اۋە كومپانياسىنىڭ «بوينگ-757» اۋە كەمەسى ورىنداعان استانا – پاريج باعىتىنداعى العاشقى تىكەلەي رەيس. ەكى باعىتقا دا «ەيرباس-320» جانە «ەمبراەر-190» اۋە كەمەلەرى پايدالانىلدى.
بيىل جازدا اشىلاتىن استانادان سەۋلگە جانە تبيليسيگە قاتىنايتىن جاڭا حالىقارالىق باعىتتاردىڭ تاسىمالداۋشىسى – «ەير استانا» اۋە كومپانياسى.
