ورتالىق كوممۋنيكاتسيالار قىزمەتىندە قر سىرتقى ىستەر ءمينيسترىنىڭ ورىنباسارى سامات ورداباەۆ, قر ەكونوميكا جانە بيۋدجەتتىك جوسپارلاۋ ۆيتسە-ءمينيسترى تيمۋر جاقسىلىقوۆ, قر ادىلەت ءمينيسترىنىڭ ورىنباسارى ەلۆيرا ءازىموۆانىڭ قاتىسۋىمەن بريفينگ ءوتتى.
«ەۋرازيالىق وداق تۋرالى كەلىسىمشارتتىڭ ينستيتۋتسيونالدىق ءبولىمى» تاقىرىبىمەن وتكەن جيىندا ەۋرازيالىق ەكونوميكالىق وداقتىڭ ءتيىمدى تۇستارىنا توقتالدى. الداعى ۋاقىتتا جاڭا سەرپىن العان ورتاق نارىقتاعى ەكونوميكانىڭ ءوسىمى ەسەبىنەن ازاماتتار ءۇشىن جاڭا جۇمىس ورىندارى اشىلىپ, مۇشە ەلدەر اراسىنداعى بارىس-كەلىس جەڭىلدەپ, وتاندىق وندىرۋشىلەردىڭ نارىقتىق كەڭىستىگى ۇلعايىپ, ەكونوميكا سالاسىندا جاڭا مۇمكىندىكتەرگە جول اشىلاتىنىن ايتتى. سونىمەن قاتار, ەكونوميكا ۆيتسە-ءمينيسترى تيمۋر جاقسىلىقوۆ ەۋرازيالىق ەكونوميكالىق وداق اياسىندا وقۋ ورىندارىنىڭ ديپلومدارىن مويىنداۋ ماسەلەسiندە وڭ وزگەرىستەرىن بولاتىنىن جاقسىلىققا بالادى.
قر سىرتقى ىستەر ءمينيسترىنىڭ ورىنباسارى سامات ورداباەۆ اتقارىلعان جۇمىستارعا شولۋ جاساپ, ءوز ويىمەن ءبولىستى. «ءبىز كەلىسىمدى ساياسيلاندىرۋعا جول بەرمەدىك. وداق تەك قانا ەكونوميكالىق بايلانىس نەگىزىندە جۇمىس جاسايدى. قازاقستاننىڭ پوزيتسياسى ارقاسىندا كەلىسىمنەن جالپى ازاماتتىق, سىرتقى ساياسات, پارلامەنتارالىق ىنتىماقتاستىق, تولقۇجات-ۆيزا سالاسى, شەكارانى ورتاق قورعاۋ, ەكسپورتتىق باقىلاۋ ءتارىزدى ت.ب. سۇراقتار الىنىپ تاستالدى» دەدى مينيستر ورىنباسارى.
ايگۇل ۋايسوۆا
