«جاقسىنىڭ جاقسىلىعىن ايت, نۇرى تاسىسىن» دەمەكشى, جىبەكتەي سۋسىعان ومىردە كەيدە جانىڭدا جۇرگەن جايدارى جانداردىڭ يگى ىستەرىن دە ەلەمەي جاتاتىنىمىز راس. وتباسىڭ – وتانىڭ بولسا, قىزمەت ورنىمىز دا ءبىز ءۇشىن ۇلكەن وتباسى سەكىلدى. سول وتباسىنا تىرەك بولىپ, سۇتتەي ۇيىتىپ باسقارىپ وتىرعان ديرەكتورىمىز ءبىز ءۇشىن ەكىنشى انامىز ىسپەتتەس. قاي ارىپتەسىن كەزدەستىرسە دە, توقتاپ تۇرىپ اماندىعىن سۇرايتىن كوللەدجىمىزدىڭ ديرەكتورى الما اشىربەكوۆا – ماقتاۋعا تۇراتىنداي جانداردىڭ ءبىرى. وتىز توعىز جىل ەڭبەك وتىلىندە ەلى ءۇشىن ايانباي ەڭبەك ەتكەن ول شاڭىراقتا اسىل جار, اياۋلى انا, ارداقتى اجە اتانسا, كوللەدجدە ۇلاعاتتى ۇستازداردىڭ ءبىرى.
تالاي شاكىرتىنە ءبىلىم دارىتقان ۇلاعاتتى ۇستاز ءوزىنىڭ ونەگەلى عۇمىرىندا مول اسۋلاردى الدى. قازكسر وقۋ-اعارتۋ وزاتى, «ءبىلىم بەرۋدەگى قۇرمەتتى وقىتۋشى», قازاقستان رەسپۋبليكاسى ءبىلىم اكادەمياسى عالىمدارى مەن پەداگوگتارىنىڭ قوعامدىق بىرلەستىگى شەشىمىمەن «جاڭاشىل پەداگوگ» اتاعىنىڭ يەگەرى اتانىپ, پاۆلودار قالاسىنىڭ 110 جىلدىعىنا ارنالعان «ساتباەۆ وقۋلارىنان», قازاقستان كۆن وداعىنان جانە ءبىلىم باسقارماسىنان العىس حاتتار العان.
الما دايىرقىزى قاراماعىنداعىلاردى جان-جاقتى بىلىمدەرىن جەتىلدىرسىن دەپ, كوپتەگەن كۋرستار مەن ترەنينگتەرگە جىبەرىپ تۇرادى. بۇل – قازىرگى زامان تالابى. سوعان بايلانىستى ءوزى دە پلوتسسك-ياروسلاۆل قالالارىندا بولىپ, «زاماناۋي ءبىلىمدى باسقارۋ تەندەنتسياسى» تاقىرىبى حالىقارالىق ينستيتۋتتا «مادەنيارالىق بايلانىستار» تاقىرىبى بويىنشا ءبىلىمىن كەڭەيتسە, «كەلەشەك» پسيحولوگيالىق ورتالىعىندا «جاسوسپىرىمدەردى سۋيتسيدتەن ساقتاندىرۋ» ماسەلەسىن تالقىلاپ, «Worlddidac Astana-2013» حالىقارالىق فورۋمىنا قاتىسقان.
ايتا بەرسەك, جەتكەن جەتىستىكتەرى مەن سىڭىرگەن ەڭبەگى قانشالىقتى كوپ بولسا دا اسقاقتاماي, «بيىك تاۋلار, بيىكپىن دەپ شىرەنبە!» دەگەن ولەڭ جولىنداعىداي, ۇنەمى قاراپايىم قالپىن ساقتاعان, قاشان كورسەڭ جارقىن جۇزىمەن كۇلىمدەپ قارايتىن, تەك ءوز بالالارىنىڭ عانا ەمەس, بارشا كوللەدج ۇستازدارى مەن ستۋدەنتتەرىنىڭ ەكىنشى اناسىنداي بوپ كەتكەن الما دايىرقىزى – وسىنداي جان.
اسەل دالابايقىزى,
ەۋرازيا گۋمانيتارلىق ينستيتۋتى كوللەدجىنىڭ وقىتۋشىسى
