تسەلينوگراد قالاسىندا جاسى ۇلعايعان جانداردىڭ ءتىسىن ەمدەتىپ, جاساندى ءتىس (پروتەز) سالدىرۋ ماسەلەسى وتكەن عاسىردىڭ 70-جىلدارىندا جاقسى جولعا قويىلعانىن مىنا سۋرەتتەن-اق انىق بايقاۋعا بولادى.
بۇل سۋرەت 1976 جىلدىڭ قازان ايىندا تۇسىرىلگەن. بايىرعى قالا تۇرعىندارىنىڭ ايتۋىنشا, درۋجبا كوشەسىنىڭ بويىنداعى وسى زەرتحانا ول كەزدە ءتىس ەمدەپ, جەڭىلدىكپەن جاساندى ءتىس سالاتىن شاھارداعى جالعىز مەكەمە بولعان. ءارى مۇندا جۇرتشىلىققا كەڭىنەن تانىمال ءتىس دارىگەرلەرى يزرايل مويسەەۆيچ شۆاتس پەن ەكاتەرينا يۆانوۆنا شادرينا جۇمىس ىستەيتىن.
سۋرەتتە زەرتحانانىڭ ءتىس تەحنيكتەرى گ.م.احمەتوۆا, ل.ن.دانيلوۆا, گ.مارتىنوۆ, س.يۋراسوۆا جۇمىس ۇستىندە.
قازىر زامان وزگەردى. قالادا جەكەمەنشىك ءتىس ەمحانالارى كوبەيدى. الايدا جاساندى ءتىس سالۋ قۇنىن كەز كەلگەن زەينەتكەردىڭ قالتاسى كوتەرە الماۋى مۇمكىن.
