تىڭ توسىندەگى تسەلينوگراد قالاسىنىڭ وركەندەپ, وسۋىنە سول كەزدەگى ءۇي قۇرىلىسى كومبيناتى قۇرىلىسشىلارىنىڭ قوسقان ەڭبەگى زور بولاتىن. اسىرەسە ولار 1980-1981 جىلدارى جەمىستى ەڭبەكتەنىپ, مىڭداعان شارشى مەتر تۇرعىن ءۇيدى پايدالانۋعا بەرىپتى.
حالىق قۇرمەتىنە بولەنگەن وسى ءبىر ابىرويلى ىستە ن.ا.سەمەنچۋكتىڭ بريگاداسى ۇزدىك تانىلىپ, سوتسياليستىك جارىستىڭ جەڭىمپازى اتانعان.
1981 جىلدىڭ ءساۋىر ايىندا تۇسىرىلگەن مىنا سۋرەتتە بريگادا جەتەكشىسى ن.سەمەنچۋك مونتاجشى ۆ.شەۆچەنكو, اعاش شەبەرى س.يلين, جۇك كرانى جۇرگىزۋشىلەرى ا.سافوۆ, و.زۆەنەۆوي, ۆ.سۋحارەنكو, تاس قالاۋشى ۆ.نيچەنكو, ەلەكترمەن دانەكەرلەۋشى ا.جيگۋلين, س.نيكيفوروۆپەن جۇمىس بارىسىن تالقىلاپ تۇرعان ءساتى.
بۇگىندە شاھار ەلدىڭ باس قالاسىنا اينالىپ, جىل سايىن ساۋلەت ونەرىنىڭ ۇزدىك ۇلگىسىندەگى ءزاۋلىم عيماراتتار سالىنۋدا.
