نۇر-سۇلتان قالاسىنىڭ «№8 بالالار مەن جاسوسپىرىمدەردىڭ مامانداندىرىلعان وليمپيادالىق رەزەرۆتەگى سپورت مەكتەبىنىڭ» 2007 جىلى تۋعان جاسوسپىرىمدەر كومانداسى فۋتبولدان ءبىرىنشى جانە ەكىنشى ليگا بىرىنشىلىگىندە قازاقستان چەمپيونى اتاعىن جەڭىپ الدى.
پاۆلودار قالاسىندا وتكەن فينالدىق تۋردا ەلوردالىق ءجاسوسپىرىم فۋتبولشىلار الدىمەن «جاس قىران» كومانداسىنان باسىم تۇسسە, سوڭعى شەشۋشى ويىندا «ماقتاارال» كومانداسىن 8:0 ەسەبىمەن بەت قاراتپاي ۇتتى. چەمپيوناتتىڭ قورىتىندىسىندا ەلوردالىق سايات اۋەسحان «ۇزدىك شابۋىلشى», ال سۇلتان اقىلبەكوۆ «ءتۋرنيردىڭ ۇزدىك ويىنشىسى» اتالىمىنىڭ يەگەرى اتاندى.
سونىمەن قاتار, نۇر-سۇلتان قالاسىنىڭ №8 بجمورسم كومانداسى 2006 جىلى تۋعان جاسوپىرىمدەر بىرىنشىلىگىندە كۇمىس جۇلدەگەر اتانسا, 2005 جىلى تۋعان جاسوسپىرىمدەرى قولا جۇلدەگە يە بولدى.
