جاستار اراسىنداعى (U 21) ەۋروپا چەمپيوناتىنا ىرىكتەۋ تۋرنيرىنە قاتىسىپ جاتقان قازاقستان قۇراماسى ءوز الاڭىندا ارمەنيا جاستارىنان جەڭىلىپ قالدى.
«استانا ارەنا» ستاديونىندا وتكەن ماتچتىڭ ءتورتىنشى مينۋتىندا قوناقتار ەسەپ اشتى. قازاقستان قۇراماسىنىڭ ويىنشىلارى قانشا تىرىسقانىمەن قارسىلاستار قاقپاسىنىن كىلتىن تابا المادى. ءسويتىپ, 1:0 ەسەبىمەن ارمەنيا قۇراماسى جەڭىسكە جەتتى.
ىرىكتەۋ ءتۋرنيرىنىڭ وسىعان دەيىنگى العاشقى ويىنىندا جەرلەستەرىمىز سىرت الاڭدا بەلورۋسسيا قۇراماسىن 1:0 ەسەبىمەن جەڭگەن بولاتىن. ال كەلەسى ويىندى قازاقستان جاستارى فرانتسيا قۇراماسىمەن وتكىزەتىن بولادى.
عالىم قوجابەكوۆ
