جوبالارىن­ اعىلشىن تىلىندە قورعادى

بيىلعى وقۋ جىلىندا ل.گۋميلەۆ اتىنداعى ەۋرازيا ۇلتتىق ۋنيۆەرسيتەتى كولىك, كولىك تەحنيكاسى جانە تەحنولوگيالارى ماماندىعىن 112 تۇلەك ءتامامدادى. ولاردىڭ قاتارىندا جەتەۋى قىزىل ديپلوممەن­ بىتىرسە, ەكى ستۋدەنت ديپلومدىق جوبالارىن ورىس جانە اعىلشىن تىلدەرىندە قورعاپ, جەتىك بىلىمدەرىن كورسەتتى.

اتالعان كافەدرا مەڭگەرۋشىسى, پروفەسسور ورازالى قاڭلىباەۆ بىتىرۋشىلەردىڭ تالپىنىسى كوڭىل قۋانتاتىنىن ايتادى. «بيىل ەكىنشى رەت تۇلەكتەرىمىزدى قاناتتان­دىرىپ, ۇشىرىپ وتىرمىز. ەسىگىمىزدى اشقانىمىزعا كوپ بولماسا دا, جەتىستىكتەرىمىز بارشىلىق. سولاردىڭ ءبىرى, ديپلوم العالى تۇرعان ستۋدەنتتەرىمىزدىڭ بيىلعى لەگىنىڭ بارلىعى-دەرلىك جاقسى, وتە جاقسى دەگەن باعامەن ءتامامدادى جانە ولاردىڭ قاتارىندا عىلىمي جوبالارىن اعىلشىن جانە وزگە تىلدە قورعاعاندار بار. وسىنداي جاقسى باستاما الداعى جىلدارى دا جالعاسىن تاباتىنىنا سەنىمىم زور. ويتكەنى, ۇلكەن عىلىمعا اعىلشىن تىلىمەن عانا كىرە الامىز, بۇل – زامان تالابى» دەيدى ول.