1 قىركۇيەكتەگى جاعداي بويىنشا 451,6 مىڭ ادام «ەڭبەك» مەملەكەتتىك باعدارلاماسىنا قاتىسقان. 328,5 مىڭ ادام جۇمىسقا ورنالاستىرىلدى, ونىڭ 200,7 مىڭى تۇراقتى جۇمىسقا تۇردى.
باعدارلامانىڭ ءبىرىنشى باعىتى اياسىندا قىسقامەرزىمدى كۋرستارعا 15,2 مىڭ ادام جىبەرىلدى. 5,5 مىڭنان استام ادام ءوز ءىسىن اشۋ ءۇشىن جەڭىلدىكتى ميكروكرەديتتەر, ال 20200 ادام قايتارىمسىز مەملەكەتتىك گرانتتار الدى.
سۋبسيديالاناتىن جۇمىس ورىندارىنا 155,7 مىڭ ادام جۇمىسقا ورنالاستىرىلدى, ونىڭ ىشىندە: الەۋمەتتىك جۇمىس ورىندارىنا – 16,6 مىڭ ادام, جاستار پراكتيكاسىنا – 21,4 مىڭ ادام, قوعامدىق جۇمىستارعا – 117,4 مىڭ ادام.
ەڭبەك رەسۋرستارىنىڭ ۇتقىرلىعى شەڭبەرىندە 1342 وتباسى نەمەسە 4571 ادام قونىس اۋداردى, ونىڭ ىشىندە 1952 ادام ەڭبەككە قابىلەتتى جاستا. ونىڭ ىشىندە 1329 ادام جاڭا تۇرعىلىقتى جەرىندە تۇراقتى جۇمىسقا ورنالاستىرىلدى جانە 111 ادام كاسىپكەرلىك قىزمەتپەن اينالىسادى, 5 ادام وقۋعا جىبەرىلدى.
ەستەرىڭىزگە سالا كەتەيىك, 2020 جىلى «ەڭبەك» مەملەكەتتىك باعدارلاماسىنا 649 مىڭ ادام قاتىستى. 437,3 مىڭ ادام جۇمىسقا ورنالاستىرىلدى, ونىڭ 319,2 مىڭى تۇراقتى جۇمىسقا تۇردى. جاپپاي كاسىپكەرلىكتى دامىتۋعا 12,7 مىڭ ميكروكرەديت جانە جاڭا بيزنەس-يدەيالاردى ىسكە اسىرۋعا 44,9 مىڭ قايتارىمسىز مەملەكەتتىك گرانت بەرىلدى.
قىسقامەرزىمدى وقىتۋ كۋرستارىنا 18,7 مىڭ ادام جىبەرىلدى, ال تەحنيكالىق جانە كاسىپتىك ءبىلىم بەرۋ ۇيىمدارىندا وقىتۋمەن 18,4 مىڭ ادام قامتىلدى.
بۇدان باسقا, ەڭبەك رەسۋرستارىنىڭ ۇتقىرلىعىن ارتتىرۋ شەڭبەرىندە جۇمىس كۇشى ارتىق وڭىرلەردەن قۇرامىندا 5,8 مىڭ ادام بار 1,8 مىڭ وتباسى قونىس اۋداردى.
