Елорда тынысы
Археолог-ғалымды құттықтады
Елорда әкімі Алтай Көлгінов белгілі археолог-ғалым Зейнолла Самашевпен арнайы кездесіп, Қазақстан Президентінің атынан 75 жылдық мерейтойымен құттықтады.
Елорда әкімі құттықтаудан кейін ғалыммен емен-жарқын отырып әңгімелесті.
Археолог-ғалым көктем шыға шәкірттерін ертіп археологиялық қазба жұмысына кірісетінін, сосын қара күзде үйге оралып, қыс бойы жазда тапқандарын ғылыми құндылыққа айналдыратынын айтты.
Зейнолла Самашев – Берел қорғанында, Сарайшық қаласының орнында жүргізген қазба жұмыстары арқылы-ақ отандық археология ғылымында орасан зор із қалдырған ғалым.