Сауда саласы қала экономикасының негізгі үлесі болып саналады. Өткен жылдың қорытындысы бойынша сауда көлемі 9,5 пайызға ұлғайып, 9,6 трлн теңгені құрады. Оның тұрақты дамуы үшін қандай шаралар қабылданып жатқаны туралы ӨКҚ брифингінде Астана қаласы Инвестициялар және кәсіпкерлікті дамыту басқармасы басшысының орынбасары Мақсат Жаңабаев мәлім етті, деп хабарлайды astana-akshamy.kz
Мәселен, елордада микро бизнесті дамыту үшін заманауи архитектуралық форматта көше саудасының тетігі белсенді қолданылады. Бағдарламаның операторы «Астана ӘКК» АҚ болып саналады.
Осы бағдарлама аясында мыңға жуық жұмысшы құрылып, бір миллиард теңгеден астам инвестиция тартылды.
Сонымен қатар сауда инфрақұрылымын дамыту аясында 180 млрд теңгеден астам сомаға 10 жоба – СО, қойма кешендері, көкөніс қоймалары іске асырылуда.
ӘМАТ-тың барлық 19 түрі бойынша 25 мың тонна өнімге келісімшарт жасалды, оның негізгі үлесін құнның өсу қаупіне неғұрлым бейім көкөніс өнімдері алады.
«Қолданыстағы шарттар бойынша былтырғы егіннің 9 мың тонна көкөніс қоры бар. Қосымша мамыр-шілде айларына шамамен 1 350 тонна көлемінде ерте егін жинау көкөністерін жеткізу жөніндегі келісімшартқа қол қою жоспарлануда. Бұдан басқа, біз осы жылдың күзгі егініне форвардтық келісімшартқа қол қою жөнінде алдын ала шаралар қабылдап жатырмыз, бұл келесі жылдың маусымаралық бағасын ұстап тұруға мүмкіндік береді», – деді спикер.
Мұндай фактілерді болдырмау үшін елордада делдалдық схемаларды анықтау бойынша өңірлік комиссияның жұмысы тұрақты негізде жүргізіледі.
Жыл басынан бері 21 отырыс өткізілді. Сауда үстемесінен асып кетудің 30 фактісі анықталды.
Сонымен қатар Сауда және тұтынушылардың құқықтарын қорғау департаментімен бірлесіп, қаланың сауда нысандарында сауда үстемесінің 15% сақтау бойынша түсіндіру жұмыстары жүргізілуде.
Қабылданып жатқан шаралар есебінен ӘМАТ бағасының өсуін тежеуге болады.
2023 жылдың ұқсас кезеңімен салыстырғанда ӘМАТ бағасының индексі 4,5% – ға төмендеді.
