АВТОБУСТАР БАҒДАРЫ ӨЗГЕРДІ
Кешеден бастап, қалалық бағдар желілерін оңтайландыру барысында №49 және №55 бағдарлар №15 бағдарға біріктірілді.
Аталған бағдар: «Железнодорожный» тұрғын алабынан «Арнау» тұрғын үй кешеніне дейін мынадай сызба бойынша жол жүреді: «Железнодорожный» тұрғын алабы – Ш.Құдайбердіұлы даңғылы – Майлин көшесі – М.Жұмабаев даңғылы – Б.Момышұлы даңғылы – Орынбор көшесі – «Арнау» тұрғын үй кешені.
Сонымен қатар, №36 қалалық бағдар ұзартылды. Қалалық маршруттық желіні оңтайландыру аясында бүгіннен бастап №36 автобус Гуманитарлық заң колледжіне дейін жүретін болады.
Автобус «Көктем» аялдамасына дейін өзгеріссіз, одан әрі Бөгенбай батыр даңғылы – Бейбітшілік көшесі – соңғы аялдама Гуманитарлық заң колледжі. Кері бағытта Молдағұлова көшесі арқылы осы сызба бойынша жүреді.
Толық ақпарат алу үшін 574777 телефоны бойынша байланыс орталығына хабарласуға болады.