Осы жылдың 10 айында кибербуллингтің 140 мың дерегі тіркелген. Бұл былтырғы көрсеткіштен екі есеге көп. Оқушылардың 12 пайызы, яғни әрбір тоғызыншы оқушы зорлық-зомбылыққа тап болған.
Балалардың мектепке барудан қорқатыны сондықтан. Қазақстан халқы Ассамблеясының кеңесінде Мәжіліс депутаты Сауытбек Абдрахманов балалар арасындағы әлімжеттік мәселесін қозғап, осы мәселеге байланысты депутаттар бастамашылық жасаған заң жобасы бірінші оқылымда өткенін жеткізді.
Еліміздегі көпбалалы, аз қамтылған отбасылардан шыққан 1 мыңнан астам бала, оның ішінде жетім балалар жыл басынан бері «Бөбек» орталығында ем қабылдады. Созылмалы соматикалық аурулары бар немесе суық тиіп, жиі ауыратын 8 жастан 13 жасқа дейінгі балалар 22 күндік тегін оңалту және сауықтыру курсынан өтті.
