Білім – бірінші өндіргіш күш
Елбасымыздың әр жылғы Жолдауының өз ерекшелігі бар. Ал биылғы Жолдауға келсек, ол маған бірден Қазақстан Республикасының Конституциясының 1-бабын еске түсірді. Ата Заңның 1-бабында «Қазақстан Республикасы өзін демократиялық, зайырлы, құқықтық және әлеуметтік мемлекет ретінде орнықтырады, оның ең қымбат қазынасы – адам және адамның өмірі, құқықтары мен бостандықтары» деп жазылған. Міне, Жолдау бастан-аяқ сол Конституциямызда көрсетілген ең қымбат қазына – адам және адамның өмірі, құқықтары мен бостандықтары үшін барынша жағдай жасауға бағытталғаны көрініп тұр.
Бұл – біздің жас мемлекетіміздің кемелділікке қадам басқандығының айғағы. Екіншіден, ішкі жалпы өнімнің 10 пайызын білім саласына бөлу деген әлемнің ешбір мемлекетінде жоқ көрсеткіш! Білім – бірінші өндіргіш күш! Сондықтан, бірінші кезекте білім саласына көңіл бөлген елдердің бәрі қазіргі таңда көшбасшы мемлекеттердің қатарында тұр.
Шынымды айтсам, Жолдауды оқып отырып, Қазақстанды осы тілмен салған суреттегі ғажайып шұғылалы бiр жағаға, ұзақ сапарға тартып бара жатқан алып кемеге ұқсаттым мен.
Алып кеме көк байрағын желбіретіп, көк теңізде алға баса берсін!