10 желтоқсан – Астана қаласы үшін тарихи күн. 1997 жылдың дәл осы күні Мемлекет басшысы Нұрсұлтан Назарбаев жаңа елорданың орталық алаңында «Бүгіннен бастап осы қала Қазақстанның астанасына айналады» деп жариялады.
Міне, сол сәттен бері де 21 жыл өтті. Бүгінгі Астана әлемге танылған сәулетті де дәулетті қалаға айналды.
Осы жылдардағы елордамыздың қалыптасу және даму жолы жайында «Елорда Ақпарат» медиа компаниясы «Астана ақшамы» және «Вечерняя Астана» газеттерінің материалдары негізінде «Ел жүрегі – Астана» және «Сердце мое – Астана» кітаптарын жарыққа шығарды. Астанамыздың 20 жылдығына арналған қос шежіре кітаптың тұсаукесері 10 желтоқсан күні өтеді.
