Eldı saiasi jaŋǧyrtudaǧy azamattyq qoǧamnyŋ rölı qandai? Keşe Astana qalasy äkımdıgı janyndaǧy ÜEŪ-men özara ıs-qimyl jäne yntymaqtastyq jönındegı Konsultativtık keŋestıŋ otyrysy osy taqyrypqa arnaldy. Jiynǧa ükımettık emes ūiymdar men elordanyŋ azamattyq sektorynyŋ, qoǧamdyq bırlestıkterdıŋ köşbasşylary, konsultativtık keŋes müşelerı, astananyŋ belsendı jastar ūiymdary ökılderı qatysty.
Is-şarany qalalyq ışkı saiasat basqarmasynyŋ qoldauymen «Azamattyq bastamalar ortalyǧy» qyzmetınıŋ aiasynda «Kameda» qoǧamdyq qory ūiymdastyrdy. Otyrysqa töraǧalyq etken Astana qalalyq Işkı saiasat basqarmasynyŋ bastyǧy Däuren Babamūratov atalǧan keŋestegı ÜEŪ-dardyŋ äleuetın joǧary baǧalaitynyn jetkızdı. Sonymen qatar elımız boiynşa eŋ myqty volonterlık qūram astanada ekenın atap ötken ol aldaǧy uaqytta keŋes qūramynda jastardyŋ, sonyŋ ışınde volonterlık ūiymdardyŋ da köbeiuıne qoldau bıldırıletının aitty.
Astana qalalyq Azamattyq bastamalar ortalyǧynyŋ basşysy, «Kameda» qoǧamdyq qorynyŋ, «Alians ÜEŪ» ZTB direktory Mahabbat Espenova «Eldı saiasi tūrǧyda tiımdı jaŋǧyrtu üşın azamattyq qoǧam instituttarynyŋ memlekettık organdarmen özara ıs-qimylyndaǧy jaŋa täsılder» taqyrybynda baiandama jasady.
– Elordada memlekettık qūrylymdar men kommersiialyq emes ūiymdardyŋ özara ıs-qimyly üş vektor boiynşa damyǧan. Sonyŋ bırı – memlekettık saiasat qūru. Mäslihatta qazırgı taŋda ÜEŪ-nan tek 3 ökılımız bar. Būl tym az. Elordada konsultativtık keŋes organdarynyŋ sany – 21. Sonymen qatar vedomstvoaralyq jūmys toptary boiynşa 11 ÜEŪ jūmys ısteidı, – degen ol elordada qazırgı taŋda memlekettık äleumettık tapsyrys boiynşa barlyq salalar qamtylmai otyrǧanyn mälımdedı. Osy baǧytta belsendı jūmys ıstemeitın basqarmalar men departamentterdı synǧa aldy. Onyŋ aituynşa, bügıngı taŋda memlekettık qyzmetkerler men ükımettık emes ūiymdardyŋ 40 paiyzdan astamy memlekettık äleumettık tapsyrysqa qatysty qūqyqtyq-normativtık aktılerdı bılmeidı nemese olardyŋ oryndaluyn saqtamaidy. Qalada sintetikalyq esırtkımen küres, qala tūrǧyndarynyŋ mädeni kodyn qalyptastyru mäselelerı de M.Espenovanyŋ baiandamasynda köterılıp, D.Babamūratov osyǧan orai jasalyp jatqan jūmystar turaly baiandady.
Astana qalalyq jastar saiasaty jönındegı basqarmanyŋ bölım basşysy Aian Ermentaevtyŋ aituynşa, qalada qazırgı taŋda 50-ge juyq jastar ūiymdary basqarmamen bırge jūmys ısteidı.
– Basqarma 12 memlekettık tapsyrys boiynşa jūmys jürgızude. Qazırgı taŋda qala äkımdıgınıŋ qoldauymen «Jasyl el» jobasy arqyly biyl 4200 jasty jūmyspen qamtu josparlanyp otyr. Sonyŋ ışınde 1639 bala jūmysqa tūrǧyzyldy. Negızgı basymdyq äleumettık az qamtylǧan otbasylardan şyqqan 14-29 jas aralyǧyndaǧy jastarǧa berıledı. Odan bölek, ata-ana qamqorlyǧynsyz qalǧan 500 jetım balaǧa arnalǧan alty ailyq baǧdarlamalar da jürgızılıp jatyr. Volonterlık baǧyttarǧa kelsek, bırneşe salada jūmys jürgızıledı, eŋ kışı volonterımız 6 jasta bolsa, eŋ ülkenı – 82 jastaǧy äjemız. Ol äje byltyr karantin kezınde bızge maska tıgıp bergen, – dep A.Ermentaev qaladaǧy jastar saiasaty baǧytyndaǧy jūmystarǧa toqtaldy
