JŪMYSŞY MAMANDARDY DAIаRLAU – UAQYT TALABY
Astana qalasy mäslihatynyŋ deputattary kezektı sessiiaǧa daiyndyq aiasynda elordadaǧy tehnikalyq mamandar daiarlaityn taǧy bırneşe kolledjdı aralap, bügıngı taŋda oqu oryndarynda atqarylyp jatqan jūmystardy közderımen körıp qaitty.
Aldymen Astanadaǧy Kölık jäne kommunikasiia kolledjıne at basyn būrǧan deputattar mūndaǧy jaŋǧyrtylatyn energiia közderı zerthanasynda bolyp, zerthanalyq jūmys ısteuge arnalǧan zamanaui jabdyqtarmen, aqyldy taqtanyŋ jūmysymen tanysty. «EKSPO-2017» körmesı qarsaŋynda respublikalyq biudjet esebınen Koreiadan satyp alynǧan būl jabdyqtarmen jūmys ısteu arqyly jas mamanadar bolaşaqta elektr energiiasyn künnen, jelden, sudan aludy üirenude.
Mūnda 13 kompiuter jäne 3 lingofon klasy, 13 interaktivtı klass, arnauly pänder boiynşa 5 ülgı zerthanasy, kıtaphanasy, oqu, mäjılıs, sport, trenajer zaldary jäne basqa zamanaui materialdyq-tehnikalyq bazasy bar. Bılım ordasy qazırgı kezde eŋbek naryǧynda erekşe sūranysqa ie tehnik, elektrik, energetik, temırjolşy, elektrovoz jöndeuşı, radioelektronika jäne bailanys mamandaryn, barlyǧy 14 mamandyq boiynşa käsıbi bılıktı kadrlardy daiarlauda. Qazır 2 000-nan astam student bılım aluda. «Qazaqstan temır joly» ūlttyq kompaniiasymen kelısım boiynşa mūnda 83 student dualdı negızde, iaǧni, käsıptık oqytu üderısınıŋ basym bölıgın oqu ornynda emes, käsıporyndarda ötıp jür. Aldaǧy uaqytta «Qazaqtelekom» AQ-men de kelısım jasau josparlanuda.
Būrynǧy jalpy bılım beretın oqu ortalyǧy bügınde Astana qalasyndaǧy köp beiındı kolledj dep atalady eken. Serık Täşenov jetekşılık etetın būl bılım mekemesı bügınde avtomobil jürgızuşılerın, turizm salasynyŋ mamandary men esepteuış tehnikasynyŋ operatorlaryn daiarlaidy. Oqu ekı korpusta ötkızılgenımen, täjıribe jūmystary 20 tonnalyq konteinerlerde jürgızıledı. Ol qys mezgılderınde elektrmen jylytylady. Sondyqtan, jyldyŋ osy merzımınde mūnda sabaqtar 20-25 minut qana ötetın körınedı.
Qalalyq Qūrylys basqarmasy osydan üş jyl būryn atalmyş oqu ordasyna arnalǧan ǧimarat saludy qolǧa alǧan. Qarajat jetıspegendıkten, mūndaǧy qūrylys jūmystary uaqytşa toqtap tūr. Mamandardyŋ aituynşa, qajettı qarjy 2016-2017 jyldary bölınbekşı. Bas qaladaǧy Tehnologiialyq kolledjde oqityn jastar keleşekte tıgın öndırısı jäne kiımı ülgısı, şaştaraz jäne sändık kosmetika öndırısı, nan, makaron jäne konditer öndırısı boiynşa maşyqtanyp jür.
Öndırıstık oqu bölımınıŋ şeberı Ūljan Temırtanova – osy kolledjdıŋ tülegı. Jürek qalauymen taŋdap alǧan mamandyǧy boiynşa bılımın jetıldırıp, joǧary oqu ornyn tämamdaǧannan keiın özı bılım alǧan kolledjge qaityp oralǧan ol bügınde oqytuşy. Tobyndaǧy 15 qyzǧa tıgınşılıktıŋ qyr-syryn üiretumen bırge qoǧamdyq jūmystarǧa da belsene aralasyp jür, «Nūr Otan» partiiasy bastauyş partiia ūiymynyŋ töraiymy.
Elordanyŋ käsıptık-tehnikalyq bılım beru mekemelerın aralai jürıp, mūnda jas mamandardyŋ sapaly bılım alyp, käsıbi şeberlıktı igeruımen qatar, zaman talabyna sai bılıktı maman retınde naryq zamanynyŋ bäsekesıne tüse alatyn, bılım deŋgeiı men käsıbi şeberlıgın körsete alatyn öz ısterınıŋ şeberlerın daiarlau baǧytynda igı ıster atqarylyp jatqanyna kuä boldyq.
Būl rette Elbasy tapsyrmasyn basşylyqqa ala otyryp, dualdı oqytu jüiesın odan ärı jalǧastyru arqyly bas qalada jūmysşy mamandarynyŋ jetıspeuşılıgın joiuǧa mümkındık mol. Ol üşın käsıptık-tehnikalyq bılım beru mekemelerı qazırgı zaman talabyna sai jabdyqtaluy kerek. Halyq qalaulylarynyŋ pıkırı osyǧan saiady. Al, qalalyq mäslihattyŋ hatşysy Sansyzbai Esılov ekı kün boiy özderı aralaǧan oqu oryndarynda oqyp jürgen jastardy taŋdap alǧan käsıbınıŋ qyr-syryn meŋgerumen qatar sol saladaǧy sony tehnologiialardy, jūmys ısteudıŋ jaŋaşa daǧdylaryn üirenuge, eŋ bastysy, keleşekte elorda märtebesıne sai eŋbek etuge şaqyrdy.