Qalalyq kommunikasiialar qyzmetı alaŋynda ötken baspasöz mäslihaty barysynda Astana qalasynyŋ Jūmyspen qamtu jäne äleumettık qorǧau basqarmasy basşysynyŋ orynbasary Erlan Jüsıpov pen elordalyq Jūmyspen qamtu ortalyǧy direktorynyŋ orynbasary Säbit Jamanbaev ötken jylǧy jūmysqa ornalastyru qorytyndylary men 2023 jylǧa arnalǧan josparlar turaly aityp berdı.
– Elorda äkımdıgınıŋ basym mındetınıŋ bırı – jūmyssyz azamattardy jūmyspen qamtu. Jalpy, elordanyŋ eŋbek naryǧyndaǧy jaǧdai tūraqty jäne qataŋ baqylauda. Jūmyssyzdyq deŋgeiı – 4,5%, būl körsetkış respublikalyq körsetkışten 0,3%-ǧa tömen, – dedı Erlan Jüsıpov.
Sonymen qatar, basqarma basşysynyŋ orynbasary käsıpkerlıktı damytu jönındegı ūlttyq jobanyŋ belsendı ıske asyrylyp jatqanyn jetkızdı.
– 40513 jaŋa jūmys orny, onyŋ ışınde 35981 tūraqty oryn qūryldy. Ūlttyq jobalardy ıske asyru aiasynda Astana qalasy boiynşa 14211 jaŋa jūmys orny qūryldy, jospar boiynşa 14180 oryn qūru közdelgen bolatyn. Jūmyssyz azamattar men jūmyspen qamtylmaǧan halyqty jūmysqa ornalastyru mümkındıgın keŋeitu maqsatynda 62 bos oryndar järmeŋkesı ötkızıldı, – dedı Erlan Jüsıpov.
Käsıpkerlıktı damytu jönındegı ūlttyq jobany ıske asyru şeŋberınde 2022 jyly jūmyspen qamtuǧa järdemdesu şaralarymen 27,5 myŋnan astam adam, onyŋ ışınde 17,9 myŋ jas qamtyldy. Atap aitsaq, 12,4 myŋ adam jūmysqa ornalastyryldy, onyŋ ışınde tūraqty jūmys ornyna 8362 adam ornalastyryldy. Olardyŋ 3407-sı – jastar.
Ötken jyly 40513 jaŋa jūmys orny, onyŋ ışınde 35981 tūraqty oryn qūryldy. Ūlttyq jobalardy ıske asyru aiasynda Astana qalasy boiynşa 14211 jaŋa jūmys orny qūryldy, jospar boiynşa 14180 oryn qūru közdelgen bolatyn
Jaŋa biznes-ideialardy ıske asyru üşın 350 adamǧa grant berıldı. Jūmys beruşılerdıŋ sūranysy boiynşa 172 adam, onyŋ ışınde 26 jas käsıptık oqytudan öttı. «Biznes bastau» jobasy boiynşa 4320 adam, 2255 jas bılımın jetıldırdı. Sonymen bırge enbek.kz platformasynda daǧdylarǧa onlain oqytu jürgızıldı, osy ıs-şaraǧa 598 adam qatysty, olardyŋ 196-sy – jastar.
Qalalyq jūmyspen qamtu ortalyǧy direktorynyŋ orynbasary Säbit Jamanbaevtyŋ aituynşa, 2022 jyldan bastap «Jastar praktikasy», «Alǧaşqy jūmys orny» jäne «Ūrpaqtar kelısımşarty» jobalaryna qatysuşylar jalaqysynyŋ mölşerı 30 AEK-ke deiın artty. Sonymen qatar, 2023 jyly jūmyspen qamtu şaralarymen elordanyŋ 24 myŋnan astam tūrǧynyn, onyŋ ışınde jastar arasynan 16,5 myŋnan astam adamdy qamtu josparlanyp otyr.
– Jūmyssyz azamattar men jūmyspen qamtylmaǧan halyqty jūmysqa ornalastyru mümkındıgın keŋeitu maqsatynda 62 bos jūmys oryndar järmeŋkesı ötkızıldı. Jastar men halyqtyŋ äleumettık osal toptary üşın jaŋa biznes-ideialardy ıske asyruǧa arnalǧan grant mölşerı 400 AEK-ke deiın, iaǧni 1,2 mln teŋgege deiın ūlǧaityldy, – dedı Säbit Jamanbaev.
Aǧymdaǧy jyly jūmyspen qamtu şaralarymen 24 myŋǧa juyq adamdy, onyŋ ışınde 16,5 myŋnan astam jasty qamtu josparlanuda. Aldaǧy jyly 55 myŋnan astamdy, onyŋ ışınde 10,3 myŋyn ūlttyq jobalar şeŋberınde jūmyspen qamtu közdelıp otyr.
Astana qalasy Jūmyspen qamtu ortalyǧy direktory orynbasarynyŋ aituynşa, 2023 jylǧa qala halqyn jūmyspen qamtu ortalyǧy jastarǧa jyldyq 2,5%-ben 5 mln teŋgege deiın şaǧyn nesie berudıŋ jaŋa tetıgın engızudı josparlap otyr.
Jastarǧa jyldyq 2,5%-ben şaǧyn nesie beru maqsatynda 562 adamǧa 2,8 mlrd teŋge qarastyrylǧan. mikrokredit merzımı – 5 jylǧa deiın, eŋ joǧary soma – 5 million teŋgege deiın; nominaldy syiaqy mölşerlemesı – jyldyq 2,5 paiyzdan aspaidy
– Jastarǧa jyldyq 2,5%-ben şaǧyn nesie beru maqsatynda 562 adamǧa 2,8 mlrd teŋge qarastyrylǧan. Olardyŋ şarty tömendegıdei: mikrokredit merzımı – 5 jylǧa deiın, mal şaruaşylyǧy salasyndaǧy jobalar üşın mikrokredit merzımı – 7 jylǧa deiın; eŋ joǧary soma – 5 million teŋgege deiın; nominaldy syiaqy mölşerlemesı – jyldyq 2,5 paiyzdan aspaidy; kepılmen qamtamasyz etudıŋ boluy; negızgı boryş pen syiaqyny öteu boiynşa jeŋıldıktı kezeŋ mikrokreditteu merzımınıŋ ūzaqtyǧynyŋ 1/3 aspaityn bölıgın qūraidy jäne Qazaqstan Respublikasynyŋ salyq zaŋnamasyna säikes salyq organdarynda tırkeudıŋ boluy şart, – dedı direktordyŋ orynbasary.
Sondai-aq, elordada käsıbi bılıktılıktı tanuǧa arnalǧan bır rettık vaucherler ūsynylatyn bolady. Käsıpter boiynşa käsıptık bılıktılıktı tanu qūny: äleumettık-gumanitarlyq beiın – 43 adam üşın 3 AEK (10350 teŋge) jäne tehnikalyq beiın – 18 adam üşın 7 AEK (24150 teŋge).
– Jaŋa biznes-ideialardy ıske asyru üşın öteusız granttar aludyŋ bırınşı aǧymyna ötınımderdı qabyldau aǧymdaǧy jyldyŋ 20 aqpanynda bastalǧanyn atap ötkım keledı. Räsım business.enbek.kz portaly arqyly onlain rejimde tört kezeŋde jüzege asyrylady, aǧymdaǧy jyly halyqtyŋ äleumettık osal toptarynyŋ ışınen 132 azamat üşın grant közdelgen, – dedı Säbit Jamanbaev.
Ol jūmys ızdeuşıler üşın de, jūmys beruşıler üşın de körsetılgen barlyq belsendı jūmyspen qamtu şaralary enbek.kz elektrondyq eŋbek birjasynyŋ portalynda qoljetımdı.
– Portalda ızdenuşıler jūmys ızdep jürgen adam retınde derbes tırkele alady, jūmyspen qamtudyŋ belsendı şaralaryna joldama alady jäne tūraqty jūmys ornyna jūmysqa ornalasu üşın bos jūmys ornyn qarai alady. Sondai-aq, jūmys beruşıler osy portalda halyqty jūmyspen qamtu ortalyǧyna jügınbei, bos jūmys ornyn ornalastyra alady, – dedı direktordyŋ orynbasary.
Baspasöz mäslihaty barysynda Astana qalasy Jūmyspen qamtu jäne äleumettık qorǧau basqarmasy basşysynyŋ orynbasary Erlan Jüsıpov elordada densaulyq saqtau, bılım beru, qarjy, qūrylys jäne öndırıs salalarynda kadr tapşylyǧy baiqalatynyn, äsırese astanalyqtar arasynda sūranysqa ie mamandyqtardyŋ ışınde IT-salasynyŋ, kommunaldyq jäne kölık salasynyŋ qyzmetkerlerın atap öttı.
Astanalyqtar barlyq qajettı aqparatty Astana qalasy äkımdıgınıŋ czn.kz Halyqty jūmyspen qamtu ortalyǧynyŋ resmi saitynan, sondai-aq äleumettık jelılerdegı Instagram – czn_astana, Facebook – @nursultanczn, Telegram – czn_nursultan resmi paraqşalar arqyly taba alady.
Bailanys ortalyǧynyŋ nömırlerı: 249-634, 249-664.
