Aidyn SEMIZBAEV, gazet oqyrmany:
– Men Astana maŋyndaǧy Qarajar auylynda tūramyn. Tapsyrys boiynşa elımızdıŋ ärtürlı qalalaryna jolauşy tasymaldap, taksi qyzmetın körsetemın. Qala ırgesındegı eldı mekenderdı özara bailanystyratyn nemese elorda ainalasyndaǧy özge öŋırlerge barǧanda Astananyŋ ışıne kırıp jürmes üşın arnaiy syrtqy ainalma joldar salyna ma?
Būl saualǧa «Astana bas jospary» ǧylymi-zertteu jobalau instituty» JŞS direktory Särsembek Jünısovtıŋ jauabyn ūsynamyz:
– Ärine, salynady. Qazırdıŋ özınde Astananyŋ syrtymen ötetın ekı bırdei ainalma jol bar. Onyŋ bırınşısı – «K-1», ekınşısı «K-2» dep atalady. «K-1» jolynyŋ ūzyndyǧy – 86 şaqyrym. Bügınde onyŋ üşten bır bölıgı paidalanuǧa berıldı. Endı Tılendiev daŋǧylynan Qorǧaljynǧa, al Qorǧaljyn jaqtan bırden Qosşyǧa şyǧatyn joldy salu josparda tūr. Mysaly, Almatydan jük tasymaldaityn kölık nemese körşı oblystan şyqqan jolauşylar Astananyŋ ışıne kırmesten ainalma jol arqyly qala syrtymen Qaraǧandyǧa, Kökşetauǧa, Qostanaiǧa jäne basqa da oblys aumaǧyna öte beredı. Al «K-2» dep atalatyn ekınşı ainalma joldyŋ ūzyndyǧy – 40 şaqyrym. 8 jolaqty joldarda baǧdarşam joq. Būl belgılı bır deŋgeide elordany köp mölşerdegı kölık tütınınen de qorǧaidy.
