Halyqaralyq «Aziia jaŋǧyryǧy» festivalı biyl jetınşı ret şymyldyǧyn türdı. Baiqau ürmelı aspaptar orkestrınıŋ süiemeldeuımen Astana köşelerındegı «Kavalkada» merekelık şeruımen aşyldy.
Jaqyn jäne alys şetel ärtısterın jinaityn baiqau jyldan-jylǧa qūlaşyn keŋge jaiyp keledı. Būl – är eldıŋ ärtısterı arasyndaǧy eŋ myqtylardyŋ öner dodasy ǧana emes, sonymen qatar, halyqaralyq qazylar alqasy saraptaityn eŋ ırı baǧalau alaŋy. Biylǧy saiysta ädettegıden äserlı jaŋa körınıster körermenderge tartu etıledı. Festivaldıŋ baǧdarlamasy jaŋa, qyzyqty ärı qauıptı qoiylymdarǧa toly. Ärbır qatysuşy öz memleketınıŋ ūlttyq sirk erekşelıkterın ortaǧa salady. «Astanalyq sirk» manejınde Resei, Qytai, Moŋǧoliia, Vetnam, Belarus, Iаkutiia, Ukraina, Özbekstan jäne Qazaqstannyŋ ärtısterı segız kün boiy öner körsetedı. Olardyŋ köbı – bükılälemdık festival jeŋımpazdary men laureattary, öz janrlarynyŋ has şeberlerı, sirk äuletınıŋ ūrpaqtary. Asqan şeber jonglerler, äue gimnastşylary men akrobattar, köŋıldı saiqymazaqtar körermenge erekşe äser qaldyrady. Sondai-aq, üiretılgen türlı januarlardy tamaşalauǧa bolady. Būl sirkke kelgen kışkentai körermenderge teŋdessız syi bolary anyq.
«Astanalyq sirktıŋ» rejisserı Liliia Kuderkonyŋ aituynşa, festivalge qatysuǧa on segız ötınım tüsıptı. «Alǧaş ret Iаkutiia men Vetnamnyŋ önerpazdary qatysaiyn dep otyr. Barlyǧy erekşe daiyndyqpen kelıptı. Sirk sahnasyna poniler, auǧan tazylary, arystandar, itter şyǧady. Ötken jyldarda būl nomerler bolǧan joq» deidı. Al, Qytai sirkınıŋ ärtısı Djan Iýn Hvei Astanaǧa alǧaş ret kelıptı. «Arnaiy daiyndap kelgen klassikalyq baǧdarlamamyz bar. Eşqandai da saqtanu qūraldaryn qoldanbai äuede öner körsetemız. Qiyn, qyzyq. Köruge tūrarlyq qoiylym» deidı.
Biylǧy festivaldıŋ taǧy bır erekşelıgı saiys türınde ötkızıledı. Älemdık ärtısterdıŋ önerıne halyqaralyq deŋgeidegı jūldyzdar qazylyq etedı. Baiqau 6, 7 şıldede jürgızılıp, 8 şıldede qorytyndylanady. Oǧan jūrtşylyqqa keŋınen tanymal «Astanalyq sirktıŋ» bas direktory Erık Joljaqsynov – qazylar töraǧasy, reseilık «Rosgossirktıŋ» bas direktory Vadim Gagloev, Resei halyq ärtısı, Vernadskii daŋǧylyndaǧy Mäskeu ülken sirkınıŋ bas direktory Edgard Zapaşnyi, Nikulin atyndaǧy Mäskeu sirkınıŋ bas direktory Maksim Nikulin, Ukraina memlekettık sirkınıŋ bas direktory İgor Hlebosolov jäne basqa da tūlǧalar törelık etedı.
Erkejan SÄTIMBEK
