Ölgeni tirilmese de, öşkeni janyp, joǧalǧany tügendele bastaǧan ūrpaq taǧy bir dästürin ūlyqtap qolǧa aldy. Keşe, 14 nauryz küni S.Seifullin atyndaǧy Qazaq agrotehnikalyq universitetinde qalamyzdaǧy birqatar joǧarǧy oqu oryndarynyŋ studentteri jinalyp, alǧaş ret «Amal» meiramyn ötkizdi. Aituly şaraǧa körnekti aqyn Fariza Oŋǧarsynova da qonaq retinde şaqyrylǧan eken.
«Amal» meiramy – būl köktemniŋ kelip, Nauryz merekesine jol aşyl-ǧanyn bildiretin mereke. Būl küni qys boiy qaqaǧan aiazda üiden şyǧa almai, bir-birin köre almai, öz tir¬şiligimen älek bolyp qalǧan jūrt körisip amandasady. Jastar jaǧy ülkenderdi izdep baryp, körisip, amal-dyŋ aq taŋy tuuymen, köktemniŋ bastalyp, tirşiliktiŋ qaita tüleuimen qūttyqtaidy. Söitip, auzy dualy, ülken aqsaqaldardyŋ batasyn alady.
Körisu saltyna bailanysty būl kün keibir jerlerde «körisu küni» dep te atalady. Qazaqta būrynnan bolyp, büginde keibir aimaqtarda, Jambyl oblysynyŋ kei jerlerinde, äsirese batys öŋirlerde saqtalyp qalǧan būl dästürdiŋ özindik ǧibraty mol.
Al, keşegi şara QazATU tehnika¬lyq fakultetiniŋ 2 kurs studenti Erlan Qylaubaev bastaǧan bir top jastardyŋ mūryndyq boluymen ūiymdastyrylǧan.
– Talai jyl Almatyda tūrdym. Astanaǧa kelgenime de on jyldan asyp ketti. Biraq, «Amal» merekesin jastar ūlyqtap atap ötkenin birinşi ret körip, quanyp otyrmyn. Būl kün, rasynda da, jäi kün emes. Adamzat tarihynda üş küntizbe bolǧan bolsa, sonyŋ soŋǧy üşinşisi bizdiŋ köp ūǧymymyzdy özgertip jibergen. Negizi «Amal» merekesi köktem tuyp, jer busanǧan 1 Nauryz küni toila¬natyn bolǧan. Al, küntizbe auysqan¬da būrynǧy 1 nauryz qazirgi küntizbe boiynşa 14 nauryzǧa döp keldi. Şyn mäninde būl Nauryz merekesiniŋ de bastaluy, – dedi Fariza apa arnau sözinde.
Aqyn söziniŋ soŋynda töl dästüri¬mizdi jaŋǧyrtuǧa küş salǧan jastar¬ǧa qoldau bildirip, olardyŋ öz ideia¬syn jüzege asyruyna mümkindik ber¬gen oqu ordasynyŋ rektory Aqylbek Kürişbaevqa rizaşylyǧyn bildirdi.
Elordada alǧaş ret ötip otyrsa da, «Amal» merekesi zalǧa jinalǧan jastardyŋ ūlttyq ruhyn köter¬gendei boldy. Ata salty boiynşa, L.Gumilev atyndaǧy Euraziia ūlttyq universitetiniŋ studenti, jas aqyn Almas Süiinbekūly köpşilikke suyryp-salyp arnau änin joldady. Qazaqtyŋ dästürin däriptep, ūlttyŋ izgi qasietterin, aldaǧy Nauryz mere-kesin jyrǧa qosqan jigittiŋ söz-mar¬janyna körermen jastar arqa¬lanyp, qol soqty.
Keştiŋ soŋy elordalyq student¬terdiŋ konserttik baǧdarlamasyna ūlasty.
Näzira SAILAUQYZY
