Medisina qyzmetkerlerınıŋ künı qarsaŋynda Almaty audanynyŋ äkımı Bekbol Saǧyn osy aumaqtaǧy emdeu mekemelerınde qajyrly eŋbek etıp jürgen bır top därıgerdı merekelerımen qūttyqtap, alǧys hattarmen marapattady.
Elımızdegı halyq densaulyǧynyŋ jai-küiı, sanitariialyq-epidemiologiialyq ahual jäne densaulyq saqtau jüiesiniŋ damuy soŋǧy on jyldyqta oŋ nätijelerımen erekşelenıp otyrǧanyn aita kele, audan basşysy soŋǧy jyldary negizgi medisinalyq körsetkişterdıŋ jaqsarǧanyn, atap aitqanda, bala tuu, ölim-jitim, ömir sürudıŋ ortaşa ūzaqtyǧyn tūraqtandyru mäselelerınde oŋdy nätijelerge qol jetkizılgenın, äsırese, jūqpaly aurulardyŋ azaiǧanyn atap öttı.
– Qazaqstan Respublikasynyŋ medisinalyq mekemelerınde jūmys ısteitın 62 239 därıger men 159 870 orta medisinalyq qyzmetkerdıŋ jalpy sanynyŋ 70-85 paiyzy – äielder. Osynyŋ özı-aq olardyŋ qoǧam aldyndaǧy jauapkerşılıgı men belsendılıgınıŋ kün sanap artyp kele jatqanyn aŋǧartady, – dedı B.Saǧyn.
Odan ärı äkım Elbasy Nūrsūltan Nazarbaevtyŋ «Salamatty Qazaqstan» memlekettık baǧdarlamasy arqyly salauatty ärı denı sau ūrpaq qalyptastyru maqsatynda eŋ aldymen halyqtyŋ densaulyǧyn qorǧau mäselesıne airyqşa köŋıl bölıp kele jatqanyn alǧa tartty.
Gülbarşyn ÖKEŞQYZY
