Elbasy Nūrsūltan Nazarbaevtyŋ «Ūly dalanyŋ jetı qyry» maqalasyndaǧy «Arhiv-2025» dep atalatyn tarmaqşasyna nazar audarǧym keledı.
Esterıŋızde bolsa, Qazaqstanda jüzege asyrylǧan «Mädeni mūra» baǧdarlamasy arqyly älemnıŋ alys jäne jaqyn şetelderın mūraǧat derekterın jinaqtauǧa ǧalymdar men mūraǧat qyzmetkerlerı arnaiy ıssaparlarǧa bardy. Nätijesınde Qazaqstan tarihyna qatysty köptegen derekter äkelındı. Iаǧni, būryn belgısız bolyp kelgen mūraǧat derekterı elımızge jetkızıldı. Mūndai materialdardyŋ elge äkelınuı ülken jetıstık. Qazırgı uaqytta būl derekterdı ǧalymdar, tarihşylar eŋbekter jazuǧa paidalanuda. Bıraq, atalǧan baǧdarlama boiynşa barlyq derekter tügel äkelındı deuge bolmaidy.
Endı, aldaǧy uaqytta būl igı ısterdı jalǧastyru kerek. Kezınde Alaş qairatkerı Ahmet Baitūrsynov: «Qazaq – joq ızdegen halyq» dep jazǧan edı. Iаǧni, ruhani jäne materialdyq mūralaryn özge jūrt tasyp äketken, joǧaltqan zamandar boldy. Osy künge deiın halqymyz sony tügendeu, ızdeumen keledı.
Qazırgı jahandanu zamanynda eldıktı saqtap, täuelsızdıgımızdı baiandy etu üşın ūlttyq tarihymyzdy ūlyqtai tüsuımız kerek. Ol üşın keŋ auqymda keşendı «Arhiv-2025» Memlekettık baǧdarlamasy jasalyp, ǧylymi-zertteu jobalary 3 jyldan 2 ret jüzege asyrylyp, oryndaluy kerek.
Eldıŋ damuy üşın jäne halyqaralyq därejede tanyluy üşın «Qazaqstan tarihynyŋ» alar oryny erekşe. 2013 jyly Qazaqstan Respublikasynyŋ Memlekettık hatşysy Marat Täjinnıŋ qatysuymen ötken vedmstvoaralyq mäjılıste «Tarih ǧylymy» gumanitarlyq ǧylymdardyŋ ışınde asa maŋyzdy tırek retınde atalǧandyǧy beker emes. Iаǧni, qazırgı jahandyq jaǧdaida älem halqy bızdıŋ elımızdı qandai imidj arqyly tanidy? Bız sol älem halqyna «Qazaqstan tarihyn» memlekettıŋ imidjın jäne tolyq körınıs beretın tūtas köneden bügıngı künge deiıngı aralyqta tarihi sabaqtastyqpen tanyta aldyq pa?
Mıne, osyndai oilandyratyn sūraqtar bar. Oǧan tolyq jauap beru üşın älı de köp jūmystar atqaryluy kerek. Atqarylatyn jūmystardyŋ nätijesın baqylau üşın jylyna 1 ret esepterın tyŋdau jäne olardyŋ äkelgen qūjattaryn Almaty jäne Astana qalasynda ornalasqan mūraǧatqa ötkızu qajet. Äkelgen qūjattar ärkımnıŋ jeke otbasylyq mūraǧatynda qalmauy kerek. Ol bolaşaqta eldıŋ tarihyn jazu üşın qajet. Sondyqtan, ony qabyldap alatyn jäne jüielep jinaqtaityn mūraǧattar ışınen arnaiy top qūryluy tiıs.
Şetelderden äkelınetın mūraǧat derekterı Almatydaǧy Qazaqstan Respublikasy Ortalyq memlekettık mūraǧaty men Astanadaǧy QR Ūlttyq mūraǧatyna ötkızıluı tiıs. Ony tarihty jazumen ainalysatyn magistranttar, doktoranttar, ǧalymdar jäne köpşılık qauym paidalana alatyndai jaǧdai boluy kerek.
