Premer-ministr Asqar Mamin Ükımettıŋ Sifrlyq keŋsesınde ortalyq memlekettık organdar basşylarynyŋ jäne öŋırler äkımderınıŋ qatysuymen äleumettık maŋyzy bar azyq-tülık tauarlarynyŋ (ÄMAT) baǧalaryn retteu mäselelerı jönınde keŋes ötkızdı.
Qazırgı jaǧdai men atqarylyp jatqan jūmystar turaly Sauda jäne integrasiia ministrı Baqyt Sūltanov, Auyl şaruaşylyǧy ministrı Erbol Qaraşökeev, Bäsekelestıktı qorǧau jäne damytu agenttıgı töraǧasynyŋ bırınşı orynbasary Rustam Ahmetov, Nūr-Sūltan qalasynyŋ äkımı Altai Kölgınov, Şyǧys Qazaqstan oblysynyŋ äkımı Danial Ahmetov, Soltüstık Qazaqstan oblysynyŋ äkımı Qūmar Aqsaqalov, Qyzylorda oblysynyŋ äkımı Gülşara Äbdıqalyqova, Pavlodar oblysynyŋ äkımı Äbılqaiyr Sqaqov, Almaty oblysynyŋ äkımı Qanat Bozymbaev baiandady.
Ötken aptada Qazaqstanda äleumettık maŋyzy bar azyq-tülık tauarlarynyŋ baǧasy 0,1%-ǧa tömendedı. Türkıstan oblysynda 0,6%-ǧa, elordada 0,3%-ǧa, Şymkent qalasynda jäne Maŋǧystau oblysynda 0,2%-ǧa, Almaty qalasynda jäne Qaraǧandy oblysynda 0,1%-ǧa baǧanyŋ tömendeuı tırkeldı. Jalpy, respublika boiynşa kökönıster baǧasynyŋ tömendeuı jalǧasuda. Qalǧan basqa önımderdıŋ baǧalary tūraqty.
