Ūlystyŋ ūly künine orailastyrǧan merekelik şaralar leginiŋ şymyldyǧy biyl Astanada «Armysyŋ, Äz-Nauryz» atty qalalyq baiqaumen türildi.
Eki aptadai uaqyt boiy qaladaǧy toqsannan astam mekeme ūjymy qazaq halqynyŋ salt-dästürleri men ädet-ǧūrpyn qasterleu, ūlttyq ūiysudyŋ meiramy sanalatyn Nauryzdy nasihattau maqsatymen halyqtyq mäni zor şaralar ūiymdastyrdy.
Til basqarmasy ūiymdastyrǧan būl bäsekeni elu adamnan tūratyn qazylar alqasy jan-jaqty sarapqa salǧan edi.
Qazylardyŋ tüiindi sözi bir jerden şyǧyp, osy baiqauda Jūmyspen qamtu jäne äleumettik baǧdarlamalar basqarmasy bas jüldeni talassyz ielendi.
Basqarma jūmysynyŋ negizgi funksiiasy basqa basqa, qarapaiym halyq üşin jaqsy tanys bolsa kerek. Qaşanda halyqtyŋ arasynan tabylatyn basqarma bastyǧy Alma Altybaevanyŋ jüzi de jūrtqa jaqsy tanys.
Jūmyspen qamtu, jūmyssyzdyq deŋgeiin tömendetu, kedeişilikti azaitu, zeinetkerlerdi, jūmyssyzdardy, mügedekterdi, kämeletke tolmaǧan balalary bar, köp balaly otbasylardy jäne basqa da äleumettik qoldaudy qajet etetin halyqtyŋ eŋbekke jaramsyz toptaryn qoldau, qarjylai, materialdyq kömek körsetu – osy basqarmanyŋ enşisindegi şarua.
Halyqty tūraqty äri nätijeli jūmyspen qamtamasyz etudi közdeitin «Jūmyspen qamtu – 2020» baǧdarlamasyn jüzege asyrudyŋ basy-qasynda jürgen de – osy mekeme. Osy baǧdarlama aiasynda Astanada atqarylyp jatqan şarualar leginiŋ özge öŋirlerge ülgi etuge tūrarlyq ekenin talai ret gazetimizde jazyp körsettik.
Mäselen, byltyr Astana qalasy jūmyspen qamtu jäne äleumettik baǧdar-lamalar basqarmasyna 14 855 jūmyssyz jan esepke tūryp, olar tiisinşe käsibi daiarlau, qaita daiarlau jäne biliktiligin arttyru kurstarynan ötken. Nätijesinde 9 600 adam jūmysqa ornalastyrylypty. Osylaişa, 2010 jyly elordadaǧy jūmyssyzdyq deŋgeii 6,1 paiyzdy qūrasa, 2011 jyly 5,8 paiyzǧa deiin tömendegen. Al, aǧymdaǧy jyly 1733 adam oqy-tylady dep josparlanyp otyr.
Mine, jūmysyna degen jauapkerşiliktiŋ arqasynda özgelerge ülgi bolyp jürgen Jūmyspen qamtu jäne äleumettik baǧdarlamalar basqarmasy önerde de özge basqarmalardan oq boiy ozyp şyqty.
Sonymen, ūjymnyŋ ūiymdastyrǧan merekelik baǧdarlamasynyŋ negizgi erekşeligi nede boldy?
Top qūramyna basqarmaǧa qarasty bes mekeme birikti. Bes sausaqtai birigip, jūdyryqtai jūmylǧan soŋ alynbaityn qamal bar ma? Osy mekemelerdiŋ ärqaisysy «Körisu», «Seltetkizer», «Ūiqyaşar», «Nauryz jūmbaq», «Nauryz jyr», «Nauryz tilek» sekildi merekeniŋ dästürli joralǧylaryn körsetti. Qarttar üiinde mügedek qolönerşilerdiŋ körmesi, ūlttyq oiyndar ūiymdastyryldy, Nauryzdyŋ tereŋ tarihy tanysty-ryldy.
Töreşiler alqasynyŋ ǧimarattyŋ işki jäne syrtqy bezendiriluine, kigen kiim ülgisine, şyǧarmaşylyq jūmystaryna bailanysty synynan da basqarma ūjymy sürinbei ötti.
Şynar DOSAN
