Qazaq önerınde özındık mäner qalyptastyrǧan talantty änşıler köp. Solardyŋ bırı qazaq jäne şeteldık operalarda köptegen partiialardy joǧary deŋgeide oryndap jürgen «Astana Opera» teatrynyŋ solisı Beiımbet TAŊARYQOVPEN äŋgımelesken edık. Ol on jyl boiy bırneşe partiiany sahnada oryndap kele jatyr. Atap aitqanda, Bırjan (M.Tölebaev, «Bırjan-Sara») Şege (E.Brusilovskii, «Qyz Jıbek»), Narymbet, Äzım (A.Jūbanov jäne L.Hamidi, «Abai»), Ahmet (E.Rahmadiev, «Qamar sūlu»), Parpinol (Dj.Puchchini, «Bogema»), Gaston (Dj.Verdi, «Traviata»), t. b. partiialardy öz naqyşyna keltıre ädemı oryndap şyqty
Beiımbet Taŋaryqovtyŋ operadaǧy alǧaşqy beinesı – «Qyz Jıbek» operasyndaǧy Şege. Būdan soŋ bırden basty rölge bekıtılgen. «Bırjan-Sara» operasynda Bırjan partiiasyn 14 jyl aityp kele jatyr.
– Alǧaş ret 2010 jyly aityp şyqtym. Ūstazym Qanat Omarbaev bızge 3-kurs oqyp jürgende jattatqan edı. «Beiımbet, eger teatrda ısteitın bolsaŋ, osy Bırjan senıŋ «vizitnaia kartochkaŋ» bolady» dep aitqan bolatyn. 2005 jyly jattap, 2008 jyly operalyq klasta aityp şyqtym. Bırjan – qazaqtyŋ maŋdaiyna bıtken sal-serı, erekşe tūlǧa. Onyŋ är sözın tüsınıp tyŋdaimyn. Jas kezde vokaldyq-tehnikalyq jaǧyna köp män beretınmın. Qazır jas ūlǧaiǧan saiyn mätınge män berıp, halyqqa ūǧynyqty etıp jetkızuge tyrysamyn. Mysaly, myna joldardy alaiyqşy:
Sözderı marjandai, kesektei.
Yzyŋdap töŋıregım jau toryp jür,
Jalǧyz-aq el – tıregım, halyq – panam.
Meilı ömır, meilı ömır qinasa da,
Halyqqa ǧana men arqa süieimın, – dep tūr. Halqyna arqa süiegen sondai tūlǧany somdau – eŋ jauapty ıs, – deidı opera änşısı.
Jaqynda Beiımbet Taŋaryqov «Alpamys» operasynda Qaraman partiiasyn alyp şyqty. Reseidıŋ Halyq ärtısı Iýrii İsakovich qoiǧan operaǧa 1 ai 10 kün daiyndalǧan.
– Bızge röldı türımızge, boiymyzǧa, täjıribemızge sai maestrolar bekıtedı. Jyr boiynşa Qaraman batyr – Taişyq hannyŋ jauyngerı. Jyrda:
«Baibörı auylyn şauyp äkeldım,
Erkekterın qūl ǧyp,
Äielderın küŋ ǧyp aldyŋyzǧa alyp keldım.
Gülbarşyndai sūludy sızge tartu etemın» degen joldary bar. Batyr jauynger Qaramannyŋ obrazy ūnaidy. Maǧan bolmysy da keledı. Rejisserdıŋ aituy boiynşa röldı jaqsy alyp şyqtym. Bıraq kez kelgen keiıpkerdı bırden aşu mümkın emes. Ädebi mätın de, akterlık şeberlık te aqyryndap «pısedı» dedı ol.
Qazırgı taŋda opera änşılerınıŋ nasihattaluy öte jaqsy. Ärbır opera änşısı öz jūmysyn äleumettık jelıge jariialap otyrady. Körermender de operaǧa jiı keledı. Är qoiylymda zal lyq tolyp otyrady. Būl da mädenietımızdıŋ köş ılgerılegenınıŋ belgısı dep aitsaq bolady. Degenmen bızdıŋ keiıpkerımız äleumettık jelıge jariialaǧandy ūnatpaidy eken. «Bızdıŋ baǧamyzdy halyq beredı» degen tūjyrymdy ūstanady.
– Opera änşısı bolǧan soŋ kündelıktı daiyndyqta jüremız. Dauysymyz qalypta boluy kerek. Künde daiyndalyp otyramyz. «Sahnaǧa şyǧasyŋ» degen kezde saqadai sai bolǧan dūrys. «Bırjan-Sara» operasynda Sarany Bibıgül Janūzaq oinaityn partiiada eş qinalmaimyn desem bolady. Sebebı sahnada partner retınde Bibıgül ekeumız bır-bırımızdı tolyqtyryp otyramyz. Sonyŋ äserınen erekşe küş alyp, şabyttanamyz. Sahnadaǧy dekorasiia da qoiylymnyŋ jaqsy şyǧuyna äser etedı. Bırde mynadai qyzyq bolǧan. «Bırjan-Sarada» taudan aǧatyn tasqyn būlaq bar. Sonyŋ ekınşı aktısınde Bırjan kelıp juynady. Sol kezde aiaǧym taiyp kettı. Bıraq ärı qarai tez jalǧastyryp kettık.
Qazır ūstazbyn, özımnıŋ şäkırtterım bar. Solardyŋ ärbır jetıstıgı – men üşın ülken jetıstık. Muzyka balany ädemılıkke, sypaiylyqqa tärbieleidı, ruhani älemın baiytady. Önerlı bala ärdaiym ızdenıp jüretın öjet bolady. Baqytjan jäne Ädıljan degen ekı ūlym bar. Ülken ūlym 10-da, muzyka kolledjınde klarnet aspabynda oinaidy, – deidı ol.
Ärbır partiiany aşu uaqytty, eŋbektı talap etedı. Beiımbet Taŋaryqov üşın älı de aşylmaǧan partiianyŋ bırı – «Abai» operasyndaǧy Äzım.
– Ahmet Jūbanov pen Latif Hamididıŋ «Abai» degen operasynda Äzım partiiasyn oryndadym. Negızı, basqa rölderıme qaraǧanda, Äzımnıŋ partiiasy psihologiialyq tūrǧyda qiyn. Psihologiialyq tūrǧyda Äzımnen keiın şarşap qalamyn. Ekıjüzdı, Abaidyŋ şäkırtı bola tūra, Aidarǧa u beredı. Sony är sahnaǧa şyqqan saiyn aşuǧa tyrysamyn. Äzımnıŋ ekıjüzdılıgı sondai «men emes» dep alasūrady. Al rejisserdıŋ aituynşa, tür-älpetpen Abaidy sendıru kerek. Şynymdy aitsam, Äzım partiiasy men üşın älı aşylmady. Aşuǧa älı de tyrysyp kelemın, – dedı opera änşısı.
Ömırbaian:
Beiımbet Taŋaryqov Şyǧys Qazaqstan oblysy Marqaköl audany Boran auylynda 1977 jyly 29 qaŋtarda düniege kelgen. 1994 jyly Qūmaş Nūrǧaliev atyndaǧy mektep-gimnaziiany tämamdap, äsker qataryna şaqyrylǧan. Ekı jyl äskeri boryşyn ötep kelgen soŋ, Öskemen qalasyndaǧy aǧaiyndy Abdullinder atyndaǧy muzyka kolledjınde 4 jyl bılım alǧan. Muzyka kolledjın tämamdaǧannan soŋ, Nūr-Sūltan qalasyndaǧy muzyka akademiiasyna alǧaşqy studentter qatarynda oquǧa qabyldanady. Qanat Omarbaevtyŋ klasyna tüsıp, 2008 jyly tämamdap şyǧady.
