Elena HAMHOEVA, «Aqbota» sauda oiyn-sauyq ortalyǧynyŋ direktory: QAZAQY NAQYŞQA MÄN BERDIK
– Elena Gennadevna, bügın Astanada alǧaş ret balalarǧa arnalǧan zäulım ortalyqtyŋ tūsaukeser räsımı ötedı. Ortalyqtyŋ erekşelıgı nede?
– Astanada bırneşe sauda oiyn-sauyq ortalyqtary bar. Täuelsızdık köşesınde jaŋadan boi kötergen ortalyqtyŋ erekşelıgı – üş qabaty da balalar älemıne arnalǧan. «Aqbota» – qazaq halqynyŋ dästürı men ädet-ǧūrpyndaǧy körnektı ensiklopediia boludy közdeidı. Öitkenı, mūnda ūsynylǧan önımderdıŋ türı men sipatyna asa män berıldı. Qazaqy naqyşty qoldanudy jön kördık. Öitkenı, zaman aǧymyna sai beiımdelgen qazaqtyŋ ūlttyq naqyştaǧy kez kelgen būiymy qaşan da ülken sūranysqa ie.
– Mynau «Aqbotanykı» dep auyz toltyryp aitatyn qandai jaŋaşyldyq bar?
– Aita ketu kerek, ortalyqtyŋ aşyluyna eŋ aldymen täjıribelı dizainerler köp eŋbek ettı. Oiynşyqtar ülgısı, balalar jamylǧysy, taǧy basqa tauarlarda qoldanbaly önerdıŋ iısı aŋqyp tūr. Oiynşyqtardyŋ özı arnaiy tapsyrystar boiynşa şetelde jasaldy. Jaŋaşyldyq degenge kelsem, dükennen Äsel, Ädıl, Nazerke esımdı sapaly quyrşaqtardy köruge bolady. Mūnyŋ özı balǧyndardyŋ süiıktı oiynşyǧyna ainalady dep oilaimyn.
– Basqa qandai tyŋ jaŋalyqtar bar?
– Bırınşı qabatynda tek taza önımderden daiyndalatyn balalar dämhanasy qyzmet körsetedı. Swarovski kristaldarymen kömkerılgen ūlttyq ülgıdegı bölme bar. Onda «besıkke salu», «tūsaukeser» salt-dästürlerın nasihattaityn körınıster qoiylǧan.
Ortalyqta aiyna bır ret körsetılımder bolyp tūrady. Ol üşın arnaiy qondyrǧylar ornatylyp ta qoidy. Al, aldaǧy uaqytta bala tärbiesıne qatysty japon tehnologiiasy negızınde ortalyq aşyp, jūmys jürgızu jospary da bar.
– Aşylu saltanatyna kımder şaqyryldy?
– Is-şaraǧa elordalyq deputattar, saiasatkerler, qoǧam qairatkerlerı, medisina qyzmetkerlerı keluge yqylas bıldırıp otyr. Al, eŋ ülken qonaǧymyz, ol, ärine – balalar. Aşylu saltanatynda qazaqtyŋ şıldehana toiy men şaşu körsetılıp, kelgen jūrtqa merekelık köŋıl-küi syilaimyz.
– Äŋgımeŋızge rahmet!
