Elordada jastarǧa arnalǧan «Elorda Jastary» arnaiy tūrǧyn üi baǧdarlamasyna qatysuǧa ötınımder qabyldau bastaldy. Qūjattar 21 qazanǧa deiın qabyldanady. Jeŋıldetılgen nesie beru baǧdarlamasyn elorda äkımdıgı «Otbasy bank» AQ-men bırlesıp, medisina, pedagogika salasynyŋ qyzmetkerlerı, mädeniet, äleumettık sala, kommunaldyq käsıporyndar men elorda mekemelerınıŋ, polisiia jäne TJ departamentterınıŋ qyzmetkerlerı, jattyqtyruşylar men sportşylar-oqytuşylar, jurnalister jäne t.b. bolyp tabylatyn 35 jasqa deiıngı (35 jasty qosa alǧanda) jastarǧa arnalǧan.
Atalǧan tūrǧyn üi baǧdarlamasyn jüzege asyruǧa äkımdıktıŋ 2021-2023 jyldarǧa arnalǧan «Elorda Jastary» baǧdarlamasy kömektesedı. «Elorda Jastary» baǧdarlamasy jastarǧa, sonyŋ ışınde tūrǧyn üi jelısı boiynşa tolyq qoldau körsetuge baǧyttalǧan. Sonymen qatar «Elorda Jastary» baǧdarlamasynda bılım beru, jūmyspen qamtu, bos uaqytty ötkızu jäne t. b. baǧyttar bar.
Būl tūrǧyn üi baǧdarlamasynyŋ mındettı şarty – «Otbasy bankınıŋ» salymşysy bolu (1,8 mln teŋgeden kem emes depozitı bolu kerek).
«Elorda Jastary» baǧdarlamasynyŋ şarttary kelesıdei:
– Qaryz somasy – 18 mln teŋgege deiın;
– Paiyzdyq mölşerleme – jyldyq 5%;
– Bastapqy jarna – 10%;
– Nesieleu merzımı – 25 jylǧa deiın.
– «QTK» AQ kepıldıgı bolǧan jaǧdaida, bastapqy/qaitalama naryqtardaǧy paidalanuǧa berılgen tūrǧyn üi ne ülestık qatysu şarty boiynşa salynyp jatqan tūrǧyn üi.
Joǧaryda atalǧan şarttarmen qatar baǧdarlamaǧa qatysuǧa ümıtker men onyŋ otbasy müşelerınıŋ soŋǧy 5 jyl ışınde menşıgınde satyp alu qūqyǧymen tūrǧyn üiı nemese jalǧa berıletın tūrǧyn üiı bolmauǧa tiıs. Sondai-aq ötınış beruşıge kemınde soŋǧy 1 jyl boiy Nūr-Sūltan qalasynda tūraqty tırkeuı jäne ötınış beruşınıŋ otbasy müşelerın Nūr-Sūltan qalasynda tırkeuı mındettı.
Ötınımderdı qabyldau tek elektrondy türde qatysu.zhilfond.kz portaly arqyly jüzege asyrylady.
Qajettı qūjattar tızımı:
- Azamattyq hal aktılerın memlekettık tırkeu turaly kuälık (bala tuu, neke qiiu, nekenı būzu jäne t. b.);
- Ötınış beruşıge jäne Qazaqstan Respublikasy boiynşa otbasynyŋ barlyq müşelerıne jyljymaityn mülıktıŋ bolmauy (boluy) turaly anyqtama;
- Ūiymnyŋ/mekemenıŋ firmalyq blankısınde anyqtama berılgen künı, şyǧys nömırı, jūmysqa ornalasqan künı jäne atqaratyn lauazymy men lauazymdyq jalaqysy körsetılgen jūmys ornynan berılgen anyqtama. Resmi blank bolmaǧan jaǧdaida anyqtamada ūiymnyŋ mörı boluy tiıs;
- Qazaqstan Respublikasy Eŋbek kodeksınıŋ 35-babyna säikes eŋbek ötılın rastaityn qūjattar (qyzmettık tızım, eŋbek kıtaby nemese t. b.);
- Eŋbek qyzmetınıŋ barlyq kezeŋı üşın zeinetaqy audarymdary turaly üzındı-köşırme erlı-zaiyptylardyŋ ekeuıne de (jūbaiy (zaiyby));
- Eger bolsa: ötınış beruşıge nemese onyŋ otbasy müşelerıne (jūbaiy, balalary) mügedektıgı turaly anyqtama;
- Depozitte jinaqtalǧan somany körsete otyryp, «Otbasy bank» AQ-ta depozittık şottyŋ boluy turaly anyqtama (erlı-zaiyptylardyŋ ekeuıne de, jinaqtalǧan soma 1,8 mln teŋgeden kem bolmauy tiıs);
- Jūmys ısteitın erlı-zaiyptylardyŋ ekeuınde de soŋǧy 6 aidaǧy tabysy turaly jūmys ornynan anyqtama boluy tiıs;
- Joǧary nemese orta arnauly bılımı turaly qūjat.
Qatysuşylardy ırıkteu baldardy esepteu arqyly jürgızıledı.
Baǧdarlama turaly tolyq aqparatty zhilfond.kz saitynan aluǧa bolady, sondai-aq myna telefon nömırlerı boiynşa qoŋyrau şalu arqyly: 109, 300, +7 (7172) 55-66-33, +7-700-725-17-32.
