ELORDADA SU TASQYNY JAǦDAIY TŪRAQTY
Astana qalasy Kommunaldyq şaruaşylyq basqarmasynyŋ su tasqynyna qarsy äreket etu boiynşa äzırlegen arnaiy keşendı josparyna säikes bügıngı taŋda tiıstı jūmystar jürgızılude dep habarlady Astana qalasy äkımınıŋ baspasöz qyzmetı.
Bügıngı taŋda qalada barlyq köşeler, mektep aulalary, densaulyq saqtau nysandary qardan tolyq tazartyldy.
Merdıgerlık ūiymdar qala aumaǧyn ūdaiy baqylauda, audandyq äkımdıkterde şūǧyl jelı telefondary jūmys ısteidı.
Su tasqyny kezeŋınen bastap qalada 250 930 m3 erıgen qar suy soryldy, onyŋ ışınde 28 237 m3 bır täulık ışınde ǧana. 6 690 m3 inerttı materialdar daiyndaldy. 4 034 dana tehnika su tasqynyna qarsy jūmystarǧa tartyldy, bır täulık ışınde 443 ötınış qabyldanyp, barlyǧyna tiıstı şaralar qoldanyldy. Barlyǧy elorda jäne jaqyn maŋdaǧy eldı-meken tūrǧyndarynan 4541 telefon qoŋyrauy kelıp tüstı, soŋǧy täulık ışınde būl körsetkış 635 qūrady.
Astananyŋ audan tūrǧyndarynan 242 qoŋyrau kelıp tüsken, sonyŋ ışınde Almaty audanynda – 46, Saryarqa audanynda – 174, Esıl audanynda – 22. Ötınımderdıŋ 100% qabyldanyp, öŋdeldı.
Esıl özenı bögetındegı su deŋgeiı 160 mln m3, al jobalyq kölemı 450 mln m3 qūraidy.
Astana qalasy TJD habarlauynşa, 20 säuırdegı jaǧdai boiynşa, elordadaǧy su tasqyny jaǧdaiy tūraqty. Astana su qoimasyndaǧy su kölemı – 397 mln m3. Soŋǧy bır täulık ışındegı qūiylǧan su kölemı – 10 mln m3.