Astana qalasynda grek-rim, erkın jäne äielder küresınen Qazaqstan kubogy üşın ötken jarys märesıne jettı.
Komandalyq jarys jüiesımen alǧaş ret ūiymdastyrylǧan bairaqty bäsekege elımızdıŋ barlyq aimaqtarynan baluandar qatysyp, jer-jerdegı küres önerınıŋ damu körsetkışın saralauǧa mümkındık tuǧandai boldy. Osy rette Almaty oblysynda küreske airyqşa män berılıp otyrǧany baiqaldy. Atap aitqanda, grek-rim küresınde Almaty oblysynyŋ baluandary aqtyq kezdesude Almaty qalasynan basym tüsıp Qazaqstan kubogyn jeŋıp aldy. Al üşınşı oryn üşın Astana men Oŋtüstık Qazaqstan baluandary küş synasty. Būl synda Afiny olimpiadasynyŋ kümıs jüldegerı Georgii Sursumiia baptaityn elordalyq baluandar qarsylastaryn 7:1 esebımen tıze büktırdı.
Erkın küreste taǧy da Almaty oblysy jeŋımpaz atandy. Qūramynda Nūrmahan Tınäliev, Marǧūlan Äsembekov sekıldı myqty baluandary bar komanda finalda boz kılem ielerın, iaǧni, Astana qūramasyn 5:3 esebımen jeŋıp kettı. Üşınşı oryn üşın bäsekede Almaty qalasynyŋ baluandary Jambyl oblysy qūramasynan basym tüstı.
Al äielder küresınde Qazaqstan kubogyn Astana arulary jeŋıp aldy. Sapynda ūlttyq qūramanyŋ üzdıkterı Tatiana Amanjol, Jūldyz Eşimova, Aiym Äbıldina jäne Giuzel Maniurova bar elordalyq komanda barlyq qarsylastarynan oq boiy alda boldy. Äielder küresınde ekınşı orynǧa Almaty qalasynyŋ, üşınşı orynǧa Pavlodar oblysynyŋ baluan qyzdary köterıldı.
Jaŋa jüiemen ötken Qazaqstan kubogy jeŋımpazdary men jüldegerlerın Qazaqstan grek-rim, erkın jäne äielder küresı federasiiasynyŋ prezidentı Sauat Myŋbaev, Olimpiada oiyndarynyŋ jeŋımpazdary Jaqsylyq Üşkempırov pen Sergei Beloglazov, ūlttyq qūramanyŋ bas bapkerlerı qūttyqtap, kubok pen diplomdardy jäne aqşalai syilyqtardy tabys ettı.
Daiyndaǧan: Ǧalym QOJABEKOV
