Elbasy industriialyq forumda «Qazaqstannyŋ äleumettık jaŋǧyrtyluy: Jalpyǧa Ortaq Eŋbek Qoǧamyna qarai 20 qadam» baǧdarlamasyn jariia etken bolatyn. Öz sözınde Memleket basşysy halyqty jūmyspen qamtu mäselesıne erekşe män berdı.
«Eŋbek etseŋ erınbei, toiady qarnyŋ tılenbei». Rasynda da, erınbei eŋbek etkennıŋ köp belestı baǧyndyrary belgılı. «Eŋbek etseŋ – emersıŋ» degen de bar. Ejelden eŋbek etken, qol qusyryp qarap otyrudy bılmeitın eldıŋ balasy mūnyŋ bärın jaqsy bılse kerek. Osyǧan orai, Elbasy el igılıgı jolynda erınbei eŋbek etu kerektıgın basa aitty. Būl maqsatta elımızde qoldan kelgennıŋ bärı jasalyp jatyr.
Memleket basşysynyŋ biylǧy Joldauyn oryndau üşın halyqty jūmyspen qamtamasyz etu maqsatynda «Jūmyspen qamtu-2020» baǧdarlamasy daiyndaldy. Üstımızdegı jyly Astana qalasy «Jūmyspen qamtu-2020» baǧdarlamasynyŋ bırınşı baǧyty «Öz betınşe jūmyspen ainalysuşylardy, jūmyssyzdardy jäne tabysy az adamdardy oqytu jäne olardyŋ jūmysqa ornalasuyna järdemdesu» ıske asyryldy. Osy baǧyt aiasynda käsıbı, naqtyraq aitsaq, mamandyǧy joq azamattardy käsıbi oqytu (memlekettık tapsyrys), 36 ai oqu merzımımen 150 adam oqytu qarastyrylyp, jaŋa käsıp (mamandyq) alu maqsatynda qaita daiarlau boiynşa 163 adamdy 3 ailyq oqytu men käsıbi şeberlıgın şyŋdau jäne joǧary därejenı alu maqsatynda 1 ai oqu merzımımen baǧdarlamanyŋ 170 qatysuşysynyŋ bılıktılıgın joǧarylatu, käsıbi oqytu josparlanǧan bolatyn.
Biylǧy jyldyŋ basynan atalmyş baǧdarlama boiynşa bızdıŋ mekemege ötınış bergen adam sany – 701, bırınşı baǧytqa qatysu üşın 646 ötınış qabyldanǧan, sonyŋ ışınde 559 qatysuşymen äleumettık kelısım-şart jasaldy.
Qazırgı uaqytta 371 qatysuşy oqularyn aiaqtady, sonyŋ ışınde 16 adam, tūraqty jūmys oryndaryna – 13, jastar täjıribesıne – 3 kısı jūmyspen qamtyldy.
Biylǧy jyly jastar täjıribesın ūiymdastyryp, 157 adam jūmysqa ornalastyryldy. Jyl basynan berı jastar täjıribesın ötuge 181 adam joldandy. Josparlanǧan 271 äleumettık jūmys oryndaryna 147 adam jūmysqa ornalasty.
Ortalyqtyŋ basty baǧyttarynyŋ bırı – «Jūmyspen qamtu-2020» baǧdarlamasynyŋ qatysuşylaryn jūmysqa ornalastyru. Būl rette biylǧy jyldyŋ 13 şıldesıne deiıngı jaǧdai boiynşa oqularyn bıtırgen qatysuşynyŋ 954-ı, sonyŋ ışınde tūraqty jūmys oryndaryna – 936 adam jūmysqa ornalasty.
Oqu oryndarynyŋ önımderın tūtynuşy bolyp tabylatyn, jūmys beruşılermen tıkelei bailanys, jūmysqa ornalastyruda aǧymdy nätije bere alady. Baǧdarlamanyŋ qatysuşylaryn būdan ärı jūmysqa ornalastyru maqsatynda astanamyzdyŋ jūmys beruşılerımen 306 niet hattamasy jasaldy.
Elbasyşa aitsaq, «bolaşaqta HHI ǧasyrda tek eŋbek qana barlyq qazaqstandyqtardyŋ äl-auqatqa jäne jaŋa ömır sapasyna qol jetkızuın qamtamasyz ete alady». Būl rette bız äleumettık jaŋǧyrtu saiasatyna qoldau körsetıp, ony jüzege asyruǧa barynşa tıkelei jäne müddelı türde atsalysatyn bolamyz. Öitkenı, eŋbekpen ǧana jemıs önbek, tek eŋbek qana bar qiyndyqty jeŋbek.
Amanjol ÄBDIRAHMANOV,
Astana qalasy äkımdıgı Jūmyspen qamtu ortalyǧynyŋ direktory
