Jaqynda «Duman» qonaq üi keşenınde «Qazaqstan buhgalterlerı men buhgalterlık odaǧy» käsıbi buhgalterler ūiymy «Qazaqstandaǧy esep pen salyq saludyŋ qazırgı zamanǧy jaǧdaiy» taqyrybynda seminar ötkızdı.
Qarjylyq qyzmet naryǧynda on jyldan asa eŋbek etıp kele jatqan ūiym keiıngı kezde ärıptesterımen ıs-täjıribe almasyp, oi-pıkır bölısudı ürdıske ainaldyruda. Mıne, sol dästürdı jalǧastyryp, ūjym elımızdıŋ buhgalterlerı men auditorlary künı merekesı qarsaŋynda seminar ūiymdastyryp otyr.
Atalǧan ıs-şaraǧa respublikanyŋ şaruaşylyq subektılerınıŋ qarjy basşylary, arnauly sertifikattary bar buhgalterler jäne Qazaqstan Respublikasy Qarjy ministrlıgınde tırkelgen oqu ortalyqtarynyŋ basşylary qatysty.
Basqosuda käsıbi qarjylyq esep jürgızudegı buhgalter qyzmetınıŋ mänı men maŋyzy, älemdık keŋıstıkte qarjy esebın bırıgıp jürgızu jäne buhgalterlerdı sertifikattaumen ainalysatyn arnauly ūiymdardyŋ qarjy esebı qyzmetkerlerınıŋ käsıbi deŋgeiın köteru mäselelerı töŋıregınde oi-pıkırler ortaǧa salyndy.
