Qala äkımdıgınıŋ saityndaǧy «Halyqtyq baqylau» jäne «Virtualdy qabyldau bölmesı» aidarlary – äkımdık pen halyq arasyndaǧy kerı bailanystyŋ tiımdı qūraly. Mūnda joldanǧan ötınışter audandyq äkımdıkterdıŋ, qalalyq basqarmalar men elordalyq departamentterdıŋ qarauyna ūsynylady.
Jyl basynan berı saitqa 3,5 myŋnan astam adamnan ötınış kelıp tüsken. Onyŋ basym bölıgı TKŞ qyzmetı, aulaışılık aumaqtardy abattandyru, kölık qoiu erejelerın būzu jäne jolauşylar tasymaldau mäselelerıne qatysty. Sondai-aq, üstımızdegı jyldyŋ qaŋtar aiynan bastap Bıryŋǧai bailanys ortalyǧy «109» qyzmetıne 122 myŋdai ötınış jıberılgen, būlardyŋ köbısı tūrmystyq mäselelerdı qozǧaida.
Keşe Astana qalasynyŋ äkımı Ädılbek Jaqsybekov elorda äkımdıgınde ötken apparat otyrysynda ötınışterdı qarau merzımıne jäne berılgen jauaptardyŋ sapasyna basa nazar audardy.
«Köterılgen mäselelerdıŋ barlyǧyn mümkındıgınşe tez şeşu kerek. Tūrǧyndar öz mäselelerınıŋ şeşıletınıne senımdı boluy qajet. Eger obektivtı sebeptermen bız ol problemany şeşe almaityn bolsaq, onda tūrǧynǧa jaǧdaidy tüsındırıp, uaqytyly jauap qaitaru kerek» dedı şahar basşysy.
Osy tūsta Ä.Jaqsybekov köptegen ötınışterge merzımınde jauap bermegen basqarmalardyŋ basşylaryna eskertu jasady. Onyŋ aituynşa, memlekettık organdar jauapkerşılıktı bır-bırıne jüktep, tuyndaǧan mäselenı şeşudı sozyp jıberetın jaǧdailar bolady. Äkım elorda tūrǧynynyŋ Şūbar şaǧyn audanynda jaǧalaudaǧy abattandyrudyŋ bülınuıne qatysty aryzyn mysal retınde keltırıp, osy tüitkıldı jaqyn arada joiudy tapsyrdy.
