Qazaqstannyŋ barlyq aumaǧynda terrorlyq qauıptıŋ «sary» deŋgeiı jariialandy
Qalyptasqan jaǧdaidy eskere otyryp, Respublikalyq terrorizmge qarsy küres operativtık ştabynyŋ jetekşısı – QR ŪQK töraǧasy general-leitenant V.Z.Jūmaqanov QR Prezidentınıŋ 2013 jylǧy 9 tamyzdaǧy № 611 Qaulysymen bekıtılgen halyqqa terrorlyq aktılerdıŋ qauıpın eskertu jäne aqparattandyru erejesınıŋ 4 tarmaǧyna säikes, Almaty, Aqmola, Aqtöbe, Atyrau, ŞQO, BQO, SQO, OQO, Qaraǧandy, Qyzylorda, Qostanai, Maŋǧystau, Pavlodar oblystarynda jäne Almaty men Astana qalalarynda 40 täulıkke deiın terrorlyq qauıptıŋ bırqalypty «sary» deŋgeiın jariialady.
Osyǧan bailanysty halyqty jürgızılıp jatqan memlekettık organdardyŋ jūmysyna tüsınıstıkpen qarauǧa şaqyrady. İesız qalǧan zattarǧa (sömke, qoraptar, oramalar, qaptar, chemodandar jäne t.b..) nazar audaruǧa, äsırese, sym jalǧanǧan tehnikalyq qūrylǧylarǧa köŋıl bölıp, kölıkte, qoǧamdyq oryndarda küdıktı adamdarǧa nazar audaruǧa şaqyrady. Küdıktı zattarǧa jaqyndamai, beitanys adamdardan sälem-sauqat alyp, ony saqtauǧa almauǧa keŋes beredı. Qūqyq qorǧau organdary qyzmetkerlerınıŋ ıs-qimyldaryna, qūjat tekserulerıne tüsınıstıkpen qarap, meiılınşe kömek körsetuge şaqyrady.
Äbıgerlıkke jol bermei tek resmi memlekettık organdardyŋ mälımetterın basşylyqqa alu kerek.