Keşe Astana qalasynyŋ äkımı Ädılbek Jaqsybekov pen «Damu» käsıpkerlıktı damytu qory» AQ-nyŋ basqarma töraǧasy Qanyş Töleuşin şaǧyn jäne orta käsıpkerlıktı qoldau baǧdarlamasyn ıske asyru baǧytynda yntymaqtastyq ornatu turaly Memorandumǧa qol qoidy.
Memorandum aiasynda äkımdık pen «Damu» qory şaǧyn jäne orta biznes salasynda startap-jobalardy qoldau jönındegı jaŋa baǧdarlamany jüzege asyruǧa 2 mlrd. teŋge (ärqaisysy 1 mlrd. teŋgeden) bölmek. Qarjy ekınşı deŋgeilı bankter arqyly berıledı. Qarjylyq qoldau körsetu kezınde eşqandai salalyq şekteu qoiylmaidy eken. Būl jaŋa Memorandumǧa Astana qalasy äkımdıgınıŋ jäne «Atameken» Ūlttyq Palatasynyŋ elordalyq şaǧyn jäne orta biznestı qarjylandyru turaly aldyn ala kelısımı aiasynda qol jetkızıldı.
Qalada käsıpkerlık ortany jetıldıru boiynşa barlyq qajettı jaǧdailar jasalǧan. Sondai-aq, memlekettık-jeke menşık ärıptestık ūstanymdarymen biznes-klimatty jaqsartu boiynşa tūraqty jūmystar jürgızılude. Bügıngı künı Astananyŋ JÖÖ-degı şaǧyn jäne orta biznestıŋ ülesı 61 paiyzǧa jetken. Būl respublikalyq körsetkışten üş esege artyq. Astana nesielerdı kepıldendıru boiynşa respublikada bırınşı orynda, subsidiialaudan ekınşı orynda tūr. Sonymen qatar, käsıpkerlık sektorynda salyqtar esebınen tüsetın tüsımder de oŋ nätijesın berude. Qazırgı kezde jergılıktı biudjetke tüsetın salyqtyŋ 65%-y elordalyq şaǧyn jäne orta biznestıŋ ülesınde.
Şaǧyn jäne orta biznes salasynda startap-jobalardy qoldau ideiasyn Astana qalasynyŋ Ūlttyq käsıpkerler palatasy ötkızgen III Jyl saiynǧy konferensiiasynda elorda basşysy ūsynǧan bolatyn. Jaŋa baǧdarlamaǧa, qoldanystaǧy memlekettık baǧdarlamalarǧa qatysu mümkındıgı ekonomikanyŋ basymdy salalarynyŋ tızımıne enbegen käsıpkerlerge ūsynylady. Nesienıŋ eŋ köp somasy –50 mln teŋgege deiın. Al syiaqy mölşerlemesı – jyldyq 7,9 paiyz şamasynda, nesie merzımı – 7 jylǧa eseptelgen. Jobalardy ırıkteudı öŋırlık Käsıpkerler palatasy jüzege asyrmaqşy.
Aita keteiık, qazırgı kezde elordada şaǧyn jäne orta bizneske qosymşa qoldau körsetu jäne damytu maqsatynda «Damu» qorymen bırlesıp 29 jasqa deiıngıler qatysa alatyn jastar käsıpkerlıgın damytu baǧdarlamasy men sauda salasyn maqsatty nesieleu boiynşa baǧdarlamalar jüzege asyryluda. Atalǧan baǧdarlamalar aiasynda qarjyny igeru 100 paiyzdy körsetken, olardy jüzege asyru jūmystary odan ärı jalǧaspaq.
Meŋdolla NŪRYMŪLY
