Astana qalasynda 2023 jylǧy 8 säuırden 6 mamyrǧa deiın «Jasyl Astana» jalpyqalalyq ekologiialyq ailyǧy ötedı. Köktemgı sanitarlyq tazalau, abattandyru jäne kögaldandyru jūmystaryna bükıl qala jūrtşylyǧy jūmyldyrylady.
Qalalyq qorşaǧan ortany qorǧau jäne tabiǧatty paidalanu basqarmasynyŋ mälımetınşe, ekologiialyq ailyq şeŋberınde elorda tūrǧyndarynyŋ qatysuymen 2 jalpyqalalyq senbılık 15 säuır men 6 mamyr aralyǧynda jäne audandyq äkımdıkter men kommunaldyq qyzmetterdıŋ küşımen 3 kommunaldyq senbılık 8, 22 jäne 29 säuırde ötkızıledı.
Soǧan qosa ekologiialyq ailyq aiasynda qalany, nöser jäne aryq-naualy kärız jelılerın sanitarlyq tazartu, köşelerdı, trotuarlar men oramışılık aumaqtardy tazalau, saiabaqtar men gülzarlardaǧy jasyl jelekterdı kütu boiynşa mausymdyq agrotehnikalyq jūmystary jürgızıledı. Sauda obektılerıne ırgeles aumaqtar jinalyp, kögaldar men gülzarlar alaŋdary ornatylady, rūqsat etılmegen qoqys üiındılerı jäne lastanǧan uchaskeler joiylady.
Aksiiaǧa qatysuǧa qalanyŋ barlyq käsıporyndary, MİB-ter, şaǧyn jäne orta biznes subektılerı, oqu oryndary, erıktıler men qorşaǧan ortanyŋ tazalyǧyna bei-jai qaramaityn qala tūrǧyndary şaqyrylady. Sonymen qatar, basqarma ökılderı elorda tūrǧyndary men qonaqtaryn üi maŋyndaǧy aumaqtardy tazalauǧa şaqyrady. Senbılıkke qatysuşylar qolǧappen, qoqys dorbalarymen jäne şans qūraldarymen, iaǧni kürektermen, tyrmalarmen qamtamasyz etıledı. Elordadaǧy audandar äkımdıkterı tazalyq jürgızıletın belgılı bır aumaqtardy naqty ūiymdarǧa bölıp berdı. Atap aitqanda, jalpyqalalyq senbılıkterde tazalyq jūmystaryn jürgızu üşın 125 ūiymǧa 125 telım berıldı.
Memleket basşysynyŋ elordada jasyl jelektı alaŋdardy köbeitu jönınde bergen tapsyrmasyn oryndau üşın atalǧan ailyq aiasynda äkımdıkke baǧynysty ūiymdar men biznes subektılerı jasyl köşet otyrǧyzady, soǧan säikes Jospar äzırlendı. Tazalyq ailyǧy kezınde 15 myŋnan astam jasyl jelek otyrǧyzu josparlanuda. Jalpy köktemgı mausymda astanada barlyǧy 30 myŋ jasyl köşet otyrǧyzylatyn bolady.
