(Jalǧasy. Basy gazetimizdiŋ ötken sandarynda)
Myrzatai Joldasbekov, memleket jäne qoǧam qairatkeri
Künderimniŋ kuäsi
(Jariialanbaǧan jazbalar)
22-26.VI.2007
Märiia, Äbiş, Klara törteumiz Maŋǧystau oblysynyŋ äkimi Qyrymbek Köşerbaev inimizdiŋ şaqyruymen Aqtauda, oblysta bolyp qaittyq. Ūşaqtan tüse sala 22.06. küni saǧat 16-da teatrda köpşilikpen kezdestik. Qyrymbek, Äbiş men turaly tebirenip söz söiledi. Jyrşy Amandyq jyr arnady. Özge biraz söileuşiler boldy.
Halyqtyŋ yqylasynan artyq ne bar deisiz, eldiŋ yqylas-peiiline razy boldyq. Eki kün tikūşaqpen äulie araladyq: Şopan Ata, Pir Beket, Qūlbaraq äulielerdiŋ basynda boldyq. Beket Ataǧa barǧanymyzda eki laǧyn ertken arqar aldymyzdan şyqty. Biletin jūrt mūny jaqsyǧa jorydy. Laiym aitqandary kelsin.
Eki kün Kendirli degen jerde suǧa tüsip demaldyq. Sol jerde de, üiinde de Qyrymbek dastarhan jaidy. Men būdan būryn Qazaqstan aumaǧynda Kaspiige tüsip körmegen ekem, suynyŋ tūnyqtyǧyna, şipalylyǧyna taŋ qaldym. Mūnda bes jūldyzdy eki meimanhana salynyp, jaǧa tügel igerilmek eken. Öitken jaǧdaida jūrt endigi jerde Antaliia, Ystyqköldi qoiyp, osynda keletin bolady. Şetten de kelip demalady. Söitip, Kaspii tabystyŋ ülken oşaǧyna ainalady.
Atyrauda tört grand-otel salynypty. Şeteldiŋ aituly meimanhanalarynan eş kemdigi joq. Aqtau būryn qūm işinde adasqan tüiedei edi, qūlpyryp keledi eken. «Aqtau Siti» salynsa, būl qala älemniŋ aituly qalasyna ainalǧaly tūr eken.
Biyl qatarynan bes zavod, universitet qalaşyǧy, özge de maŋyzdy obektiler salyna bastapty. Port ösude. Auyldyq jerlerde mektepter salynyp, eldiŋ kelbeti özgerude. Eski jūrtta qalǧan köseudei ölke altyn ojauǧa ainala bastapty. Mūnai mūhitynyŋ üstinde otyryp qaiyrşynyŋ künin keşken Maŋǧystau bai ölkege ainala bastapty. Biz osyǧan quandyq. Qyrymbek apasy ekeumizge erekşe yqylas tanytty. Täŋir jarylqasyn. Eleu sekildi asyl aǧanyŋ tūiaǧy edi, abyroi joldas bola bersin, märtebesi öse bersin. Kelin ekeui Oŋtalap, Saltanat, Erkin balalarymyzdyŋ qyzyǧyna toimai jürsin.
Biyl meniŋ jetpis jyldyǧyma orai Äl-Farabi atyndaǧy Ūlttyq universitet meniŋ atymda stipendiia taǧaiyndap, Jetisu universiteti de Äbiş ekeumizdiŋ atymyzǧa bir-bir arnaiy stipendiia taǧaiyndady. Täŋir jarylqasyn. Elge amandyq bersin.
26.06. küni keşkisin Astanaǧa oraldyq.
30.VI.2007
Prezidenttik mädeniet ortalyǧynda İspaniia koroli Huan Karlos I men koroleva Sofiiany qarsy aldyq.
2001 jyly būl kisini men Euraziia universitetinde qabyldaǧan edim. Ūmytpapty. Aralady. Riza boldy. Özine böri basyn syilap, korolevaǧa alqa taqtyq.
19-30.VII.2007
Demalysta boldym. 21.07. Baqanasta Böltirik şeşenge eskertkiş qoiylyp, konferensiia ötkizilip, as berildi. Konferensiiada söz söiledim.
İtaliianyŋ «Eni» kompaniiasynyŋ menedjeri Luana Kotichnoni Noe degen kisimen kelissöz jürgizip, «Orhon eskertkişteriniŋ tolyq Atlasyn» italian, aǧylşyn tilderine audaratyn bolyp kelistik.
26.07. küni Oljas Süleimenovtiŋ anasy Fatima apai 92-ge qaraǧan jasynda dünie saldy, taŋǧa juyq Parijden Oljas kelip, 27-i küni tüske taman (saǧ.12:20) Oljekeŋe köŋil aityp, janynda bir saǧattai boldym. İmanǧali Tasmaǧambetov, Ǧani Qasymov, Timur Süleimenovter birge boldy.
28.07. inim, «Qazaq Temirjoly» Ūlttyq kompaniiasynyŋ Prezidenti Jaqsybek Külekeevtiŋ 50 jyldyq mereitoiy ötti.
Toi iesiniŋ aǧasy retinde dastarhanǧa basşylyq jasadym. 30.07. küni Bekmahannyŋ üiinde meiman boldyq. 31.07. Astanaǧa oralyp, jūmysqa kiristim.
1-18.VIII.2007
Kündelik jazudyŋ qiiameti sol, arasy säl üzilse, jürisinen jaŋylǧan jorǧadai bolasyŋ. Jazbauǧa daǧdylanyp ketesiŋ. Osylai, 18 kün qolyma qalam almai, kündelik betin aşpai ömirde eşteŋe bolmaǧandai baz keştim.
Şyndyǧyna kelgende, osy künderi de ülken oqiǧalar boldy.
Demalysta boldym. Arqany araladym. Qazdauysty Qazbek bi atamnyŋ şapanyn taptym. İgi jaqsylarmen kezdestim.
Arqanyŋ azamaty, Abylaidyŋ şapanyn tapsyrǧan Hamze Sätjanovtyŋ Qaraǧandydaǧy 70-jyldyq toiyna qatystym.
Aǧamyz äri jezdemiz Sybanbai Qūralbaev Almatyda dünie saldy, jerlep qaittyq.
Bügin (18.08) Mäjiliske, mäslihatqa sailau küni. Dauys berdim. Dausymdy «Nūr Otan» partiiasyna berdim.
20.VIII.2007
Jeti partiia sailauǧa tüsip, jeŋiske «Nūr Otan» partiiasy jetti, qalǧany dalada qaldy.
Büginde jalǧan uädemen eldi aldai almaisyŋ.
Elbasy basqaryp otyrǧan partiiaǧa halyq senedi de, özgeleriniŋ ötirigine senbedi. Halyqty qalai aldaisyŋ? Bügin būryn Premer-ministr bolǧan Ūzaqbai Qaramanov 70-ke toldy. Qaramanov turaly tolǧanysymdy aiaqtadym. Keşkisin sailaudyŋ qorytyndysyna orai «Qazaqstan» telekanalyna tikelei efirge şyqtym.
21.VIII.2007
«Tūŋǧyş Premer-ministr» (Ūzaqbai Qaramanov turaly oi-tolǧam) degen maqalam «Egemen Qazaqstan» gazetinde bir bet bolyp şyqty.
24.VIII.2007
Almatyǧa Ū.Qaramanovtyŋ 70 jyldyq toiyna keldim. Yǧai men syǧai tegis jinaldy. Onda bir saǧattai bolyp, tünde Järkentke jürdik. Mūnda bir kezdegi Taldyqorǧan oblysy, Panfilov audanynda tuyp-ösken, qatardaǧy qoişydan kolhoz bastyǧy därejesine jetip, daŋqy, ataǧy jer jarǧan Ybyraiymjan Qojahmetovtiŋ 80 jyldyq toiyna keldik. Bizdi qaita-qaita şaqyrǧan soŋ Märiia ekeumiz kelgen edik.
25.08.2007 toiy ötti. Keşegi jaryqtyq, N.N.Golovaskii, İ.M.Belalovtarmen ataǧy birge şyqqan, birge jürgen Ybekeŋniŋ toiy jaqsy ötti. Keşe ǧana «Egemen Qazaqstanǧa» jariialanǧan «Aǧaǧa hat» deitin qūttyqtauymdy oqyǧanymda aǧamyz közine jas alyp, bulyǧyp söilei almai qaldy. Būlar – ömirge sirek keletin adamdar. El jaqsy jinaldy, eŋbegi aqtaldy.
26.VIII.2007
Zeinolla Qabdolovtyŋ qaitys bolǧan jylyna orai berilgen asqa qatystym.
27-30.VIII.2007
Saǧat Äşimbaevtyŋ 60 jyldyǧyna bailanysty jäne Qobylandy batyrǧa arnalǧan Aqtöbedegi konferensiiaǧa maqala jäne baiandamamen şūǧyldandym.
(Jalǧasy bar)
