Memleket basşysy MKQ basşylyq qūramyna jinalys ötkızıp, Memlekettık küzet qyzmetınıŋ jaŋadan taǧaiyndalǧan bastyǧy Ermek Saǧymbaevty tanystyrdy.
Prezident Memlekettık küzet qyzmetınıŋ ülken jauapkerşılıgı men maŋyzdylyǧyna toqtalyp, barlyq qyzmetkerlerden, äsırese basşylyqtan erekşe bılım men bılıktılık talap etıletının aitty.
«Memlekettık küzet qyzmetınıŋ mamandarynan käsıbilık talap etıledı. Bırınşıden, jauyngerlık jäne fizikalyq daiyndyq. Būl rette Memlekettık küzet qyzmetınıŋ, tiıstı bölımşelerdıŋ basşylary jan-jaqty bılımdı, dünietanymy keŋ, eldıŋ ışkı saiasi jaǧdaiyn da, halyqaralyq ahualdy da jaqsy meŋgergen boluy kerek. Olardyŋ halyqaralyq talaptardyŋ qyr-syryn jetık bıletın zerek, taldau jūmystaryna qabılettı bolǧany jön. Bız tek osyndai jaǧdaida ǧana jūmystan tiımdı nätije kütemız» dedı Qasym -Jomart Toqaev.
Prezident kadrlyq äleuettı arttyru turaly aita kelıp, MKQ ofiserlerı memleketke, özderıne jüktelgen qyzmetke adal jäne naǧyz patriottar boluy kerek ekenın atap öttı. Memleket basşysy kadrlardy ırıkteude däl osy ūstanymdardy basşylyqqa aludy basa aitty. Sondai-aq Qasym-Jomart Toqaev Memlekettık küzet qyzmetı bastyǧynyŋ jaŋa orynbasary Batyrbek Baibosynovty da tanystyrdy. Memleket basşysy jiyn soŋynda jaŋa bastyq pen barlyq ofiserlerge qyzmette tabys tıledı.
