Mereke qarsaŋynda medisina qyzmetkerlerı, mūǧalımder men jürgızuşıler memlekettık nagradalarmen marapattaldy. Nūr-Sūltan qalasynyŋ äkımı Altai Kölgınov Instagram paraqşasynda el Täuelsızdıgınıŋ 30 jyldyǧyna orai sala mamandary marapattalǧanyn mälım ettı.
«Adami kapital – basty qūndylyq. Qalaǧa qarasty barlyq ūiymdardyŋ üilesımdı jūmysynyŋ nätijesınde qalanyŋ tynys-tırşılıgı qamtamasyz etıledı. Är qyzmetker qalanyŋ odan ärı damuyna ülesın qosady. El Täuelsızdıgınıŋ 30 jyldyǧyna orai medisina qyzmetkerlerı, äleumettık qyzmetkerler, pedagogtar, injenerler, maşinister jäne t. b. memlekettık nagradalarǧa ie boldy.
«Parasat» ordenımen mūǧalım L.Alieva, «Eren eŋbegı üşın» medalımen uchaskelık därıger-terapevt G.Qalibekova, eŋbek ardagerı B.Qasymbekov, jazuşy O.Tūrjan, «Şapaǧat» medalımen jedel medisinalyq järdem jürgızuşısı T.Vergunova jäne bırqatar medisina qyzmetkerı marapattaldy. Sondai-aq mädeniet qairatkerlerı «Qazaqstannyŋ eŋbek sıŋırgen qairatkerı» ataǧyn aldy» dep jazdy elorda äkımı.
Sonymen qatar III därejelı «Eŋbek daŋqy» ordenımen «Astana su arnasy» mekemesınıŋ injener-jylutehnigı M.Abdrahmanov, №1 avtopark jürgızuşısı K.Nabiev, 2-JEO aǧa maşinisı R.Tuhvatullin, «Astana Tazalyq» AQ jürgızuşısı N.Quanyşev, «Astana qalalyq jaryq» AQ avtoelektrigı Iý.Chehko marapattaldy. Sondai-aq qala men eldıŋ qalyptasuy men damuyna üles qosqandar III därejelı «Barys» ordenımen, QR qūrmet gramotalarymen marapattaldy.
