Täuelsızdık künı qarsaŋynda eldıŋ äleumettık-ekonomikalyq jäne mädeni damuyna, halyqtar arasyndaǧy dostyq pen yntymaqtastyqty nyǧaituǧa ülesın qosyp jürgen azamattar memlekettık nagradalarmen marapattaldy. Olardyŋ qatarynda mädeniet, ǧylym, bılım, densaulyq saqtau qairatkerlerı, öndırıstık sala, biznes ökılderı, qūqyq qorǧau organdarynyŋ qyzmetkerlerı, äskeri qyzmetşıler, sportşylar, soǧys jäne eŋbek ardagerlerı bar.
Marapat ielerınıŋ bır tobyn Memleket basşysy Nūrsūltan Nazarbaev Aqordada qabyldap, nagradalardy öz qolymen tabys ettı.
Elbasy qūttyqtau sözınde: «Biyl bız Täuelsızdıgımızdıŋ 21 jyldyǧyn atap ötemız. Osy 21 jyl ışınde törtkül dünie qazaqty tanyp bıldı, moiyndady. Būl bügınge deiıngı tarihta bolmaǧan närse. Mūndai jetıstıkke Täuelsızdıktıŋ arqasynda jäne barşa qazaqstandyqtardyŋ eŋbegınıŋ arqasynda qol jetkızıp otyrmyz» dedı. Körsetılıp jatqan syi-qūrmet pen marapatty bükıl halyqqa körsetılgen ıltipat dep qabyldau qajettıgın aitty.
Saltanatty jiynda «Otan» ordenımen «Sokolov-Sarybai ken-baiytu öndırıstık bırlestıgı» AQ prezidentı Mūhamedjan Turdahunov marapattaldy. «Qazaqstan Respublikasynyŋ Tūŋǧyş Prezidentı – Elbasy Nūrsūltan Nazarbaev» ordenı Euraziialyq ekonomikalyq komissiianyŋ energetika jäne infraqūrylym boiynşa alqa müşesı Danial Ahmetov pen Almaty qalasynyŋ äkımı Ahmetjan Esımovke berıldı.
I därejelı «Barys» ordenımen «Qazaqstan elektroliz zauyty» AQ prezidentı Almaz İbragimov, Şyǧys Qazaqstan oblysynyŋ äkımı Berdıbek Saparbaev, II därejelı «Barys» ordenımen Q.İ.Sätbaev atyndaǧy QazŪTU-dyŋ professory Äbdıǧappar Äşımov, QR Mūnai jäne gaz ministrı Sauat Myŋbaev, III därejelı «Barys» ordenımen «Qazaqstan» RTRK» AQ direktorlar keŋesınıŋ müşesı – täuelsız direktory Sūltan Orazaly, eŋbek ardagerı Käkımbek Salyqov marapattaldy.
Sondai-aq, «Parasat» ordenın Elbasy Jambyl oblysynyŋ äkımı Qanat Bozymbaevqa, QR premer-ministrınıŋ orynbasary Erbol Orynbaevqa, «Kardiohirurgiia ūlttyq ǧylymi ortalyǧy» AQ basqarma töraǧasy Iýrii Piage, QR OSK töraǧasy Quandyq Tūrǧanqūlovqa tapsyrdy.
Al, «Qazaqstannyŋ eŋbek sıŋırgen qairatkerı» qūrmettı ataǧy änşı Dilnaz Ahmadievaǧa, Qazaqstan Jazuşylar odaǧy Batys Qazaqstan oblysy boiynşa filialynyŋ töraiymy Aqūştap Baqtygereevaǧa berıldı.
Sonymen qatar II därejelı «Daŋq» ordenı QR qorǧanys ministrınıŋ orynbasary Talǧat Janjümenovke, QR bas prokurorynyŋ orynbasary Nūrmahanbet İsaevqa, QR bas prokurorynyŋ orynbasary Andrei Kravchenkoǧa jäne QR Respublikalyq ūlan qolbasşysynyŋ bırınşı orynbasary Ermek Ükıbaevqa tapsyryldy.
Al, ädebiet pen öner salasyndaǧy Memlekettık syilyq būǧan deiın belgılı bolǧandai jazuşy Säbit Dosanovqa, aqyn Nesıpbek Aitūlyna, änşı Älıbek Dınışevke jäne skripkaşy Gauhar Myrzabekovalarǧa tabystaldy.
Qazaq muzyka önerın damytuǧa jäne ony köpşılıkke taratuǧa qosqan erekşe ülesı, belsendı şyǧarmaşylyq, sondai-aq pedagogikalyq qyzmetı üşın «Qazaqstan Respublikasynyŋ Tūŋǧyş Prezidentı – Elbasynyŋ Memlekettık beibıtşılık jäne progress» syilyǧy Qazaqstannyŋ Halyq ärtısı Jäniia Äubäkırovaǧa berıldı.
Sūltan ORAZALY, «Qazaqstan» RTRK» AQ direktorlar keŋesınıŋ müşesı, III därejelı «Daŋq» ordenınıŋ iegerı:
– Ärbır sanaly azamat üşın halqyna qyzmet etuden ülken baqyt joq. Al, sol azyn-aulaq eŋbegıŋdı elıŋ, memleketıŋ qūrmettep, Elbasyŋ marapattap jatsa, naǧyz baqyt sol dep bılemın. Marapatqa ie bolǧan azamattar osyndai küidı basymyzdan keşırıp otyrmyz. Mūndai marapattaular bar kezde «elım» deitın, «jerım» deitın azamattardyŋ köbeie bererı anyq.
Nesıpbek AITŪLY, aqyn, Memlekettık syilyq iegerı:
– Täuelsız elımızdıŋ tarihynan berı qazaq ädebietı, qazaq önerı üşın jasap kele jatqan ūşan-teŋız qamqorlyǧy üşın Elbasyǧa myŋ da bır rahmetımdı aitqym keledı. Azat eldıŋ aqyny üşın baitaq eldıŋ baqytyn jyrlaǧannan asqan abyroi joq. Qazaqstannyŋ keleşegıne, onyŋ ūrpaqtarynyŋ bolaşaǧyna qyzmet etuge bızder ärqaşan daiynbyz.
Iýrii PIа, «Kardiohirurgiia ūlttyq ǧylymi ortalyǧy» AQ basqarma töraǧasy, «Parasat» ordenınıŋ iegerı:
– Bız adam ömırın ajaldan araşalaityn jauapty operasiialardy sättı atqaryp jürmız. Öitkenı, Memleket basşysynyŋ tapsyrmasymen otandyq medisina salasy zamanaui apparattarmen tolyq jabdyqtaldy, qyzmetkerlerdıŋ de bar jaǧdaiy jasaldy. Sondyqtan, özımnıŋ komandamnyŋ atynan Elbasy Nūrsūltan Nazarbaevqa şeksız alǧysymdy bıldıremın. Endı älem medisinasyndaǧy bar jaŋalyq Qazaqstanda da jüzege asyrylatyn bolady.
Şynar DOSAN
